Et ces deux l'avoient

sainctz. Il avoit Dieu en grant cremeur1 et révérence. Il apprenoit à l'escolle moult bien, et retenoit, et s'applicquoit à lire et faire lire devant luy, du commencement, en joyeulx comptes et es faictz de Lancelot et de Gauvain, et retenoit ce qu'il avoit ouy mieulx qu'aultre de son eage, et de sa nature desiroit la mer et les bateaulx sur toutes riens. Son passe temps estoit de voiler à esmerillons2, et chassoit moult volentiers, quant il en povoit avoir le congié 3. Il jouoit aux eschetz mieulx qu'aultre de son temps. Il tiroit de l'arc et plus fort que nul de ceulx qui estoyent nourriz avecques luy. Il jouoit aux barres à la façon de Picardie, et escouoit4 les aultres par terre et loing de luy ; et depuis, en fournissement de jours et de force, il fut tenu et nommé moult bon et puissant archier, et moult rude, fort et adroit joueur de barres. Et ainsi croissoit le conte et estoit norri, duict et appris, et de soy queroit et s'adonnoit à tous bons et honnestes exercites ; et à tant me tairai de la nourriture et de Fexercite du conte Charles, et retourneray à ce qui advint en celluy temps.

Or entrasmes en5 l'an cinquante trois6, et tousjours