Il était premier chambellan du comte de Charolais

3. Fournelles, d'après M. de Beaucourt, notes sur d'Escouchy, II, p. 556.

deux qui l'avoient norry d et gouverné dois son enffance.

Fut couvert et paré d'orfavrerie, et d'aultre part là

vindrent jousteurs de toutes pars, et là jousta le conte

de Boucquam, Philippe de Gry, Jehan de la Trimoille,

Charles de Ternant et plusieurs autres josnes seigneurs

et nouveaux jousteurs, norriz avecques le conte ; et

ainsi commença la jouste, et, à la vérité, le conte

rompit seize ou dix huict lances, donna et receut de

très bonnes atteintes, et fit si bien le debvoir que

chascun luy donna le bruict d'icelle jouste, et luy fut,

le soir, présenté le prix par deux princesses, et fut

crié Montjoye par les heraulx moult haultement. Et

certes ledit conte continua la jouste longuement depuis

et fut tenu pour moult puissant et rude jousteur, et

gaigna plus de bruict à la jouste que grant maistre

que l'on sceut ; et pour ce je commence à emplir et

fournir mes Mémoires de luy et de ses faictz, et n'en

parle pas par ouyr dire ne par rappors ; mais, comme

celuy qui ay esté norry avecques luy dès son enffance,

tant au service du bon duc, son père, comme de luy,

je toucheray et parleray de sa nourriture, de ses

mœurs, condictions et usances, depuis le temps que

je le veiz premier, qui est escrit en mes Mémoires cy

dessus. Quant à ses condictions, je commenceray par

le pire bout. Il estoit chault, actif et despit, et desi-

roit, en sa condiction enffantine, à faire ses voulentez

à petites corrections, et touteftois il eut l'entendement

et le sens si grant, qu'il résista à ses complexions,

tellement qu'en sa jeunesse ne fut trouvé plus doulx

ne plus courtois de luy. Il ne juroit Dieu, ne nulz