Ou

« leurs seelez pour laisser passer amiablement lesditz « ducz de Zasses et leur armée. Et pour ce que, à « l'occasion du differand de nous et que1 en Zassonne « a si belle chevalerie et si grande noblesse, de si « longtemps prisée et renommée en armes, et que, « de ma part et en mes pays, a pareillement grande « et belle noblesse, et tant de gens de bien que grant « dommaige seroit, si tant de gens d'un parti et « d'aultre, à l'occasion de noz querelles particulières, « mouroient et se mettoient en dangier de leurs estatz « et de leurs vies, [il] me semble que ce seroit le meil- « leur, et pour les dangiers de tant de gens eschever, « que nous prinsions jour, le duc de Zasses, querel- « leur de ceste duchié, etmoy, pour comparoir devant « la personne de l'Empereur, chascun de nous person- « nellement; et que, soubz son impériale puissance, « devant sa reale magesté et en la submission de son « jugement, nous combatissions corps à corps, jusques « à ce que l'on eust veu, et par l'effect de nostre « bataille congnu, à qui la terre de droit doit apper- « tenir, et au victorieulx demeurast la seigneurie, « sans respandre tant de sang humain d'ung costé ne « d'aultre, et de ceulx qui n'ont part à la querelle, « fors pour l'amour et pour le debvoir que chascun « doibt à son seigneur et amy rendre et porter. Et, « de ma part, j'offre de bailler mon nepveur de Gleves, « et aultres de mon sang, es mains de l'Empereur, « pour comparoir personnellement devant l'Empereur « au jour et lieu qui me sera par luy ordonné, pour « faire, fournir et accomplir de ma personne les choses