Deux mots omis dans les éditions précédentes

2. 18 mai 1452. V. Ghastellain, liv. III, ch. vu, t. II, p. 251.

3. Lokeren, ville de la Flandre orientale, à 23 kil. de Gand.

passèrent les autres chevalliers et leurs routes1. Si commencèrent les archiers à fourrer et à piller le villaige, et les aultres à assaillir ceulx qui estoient retraïctz au clochier du moustier ; et demourerent en tel desroy, sans ordre et sans guet, près de deux heures ; et tandis les cloches des villaiges gantois sonnèrent l'effroy, et les Gantois fugitifz coururent es aultres gros villaiges et se rassemblèrent plus de trois mille hommes, et vindrent marcher en deux compaignies, les uns droit au villaige et les aultres sur costiere, à la couverte des hayes et des plessis2; et tant feirent qu'ilz gaignerent le pont par où les gens du duc estoient entrez audit villaige ; ilz mirent le feu en leurs propres maisons et, à l'advantage du vent , surprindrent, bruslerent et occirent plusieurs de nos gens, et la pluspart mirent en desroy et en fuyte 3 ; et quant ilz cuyderent regaigner la rivière par le pont, ils trouvèrent les Gantois qui leur couroient sus à longues picques et avec arbalestes, et effondroient chevaulx et tuoient gens sans marcy ou respit; et les gens du duc repassèrent la rivière, qui moult estoit grande et périlleuse, à naoul4 de cheval et à pied, à moult grant dangier, et les chevalliers qui la conduicte avoient, mirent moult grant peine de rassembler et de reallier leurs gens. Et pour ce que bienfaict ne doict estre tenu selé en sa vérité, il fault bien, à ce besoing, que je parle du bienfaict et de la vaillance que fît ce jour le bon chevallier messire Jaques de Lalain. Il couroit en sa personne là