A la nage
où il veoit la plus grant presse d'ennemis et le plus grant besoing pour ses gens secourir. Il combattoit l'espée au poing, comme ung chevallier sans peur et sans doubte, passa et reppassa la rivière par plusieurs fois, et saulva si grant nombre de gens de mort et de péril, que tous luy donnèrent l'honneur de la journée ; et disoient au retour tous les compaignons, en généralité, que la chevallerie de messire Jaques de Lalain les avoit préservez de mort1. Cinq chevaulx eust occis soubs luy celluy jour, et quant il cuyda avoir tout achevé et mis ses gens à saulveté devant luy, comme le bon pasteur faict ses brebis, il sceut que son frère Philippe de Lalain estoit encloz des ennemis. Si retourna et fut suyvi d'aucungs, et à force d'armes rescouyt son frère des ennemis. Et qui me demanderoit qui furent ceulx qui le suy virent, et dont il se loua fort de leur bonne compaignie pour celluy jour, certes je le sçay par ledit messire Jaques ; et fut Gaspart de Dourtan, ung escuyer bourguignon, qui fit armes à luy en Bourgoingne, Jehan Rasoir, escuyer de Hainnault, son serviteur, qui fit armes aussi en Bourgoingne contre Michault de Certaines, comme il est escript cy dessus, et un fol joyeux, qui estoit au conte de Charrolois, nommé Andrieu de la Plume; et de ces trois se loua fort le chevallier, pour celluy jour, sur tous aultres. Finablement se partit la journée à foulle et à perte de nos gens, mais touteftois perdirent les Gantois trop plus de gens, sans comparaison, que ne feirent les nostres, et le duc de Bourgoingne, qui bien
■1 . Cfr. Chastellain, loc. cit., p. 259. D'après le Registre de la Collace, cité par Gachard, op. cit., t. II, p. 96, note 2, soixantedix des gens du duc périrent dans cette affaire.
sçavoit que ses gens avoient eu à souffrir, les attendit au boulovart oultre la rivière, et là fit appourter son souper ; et souperent avecques luy les chevalliers qui avoient esté à la journée, et fit seoir messire Jaques de Lalain emprès luy et au dessus de luy, et dit qu'il vouloit tenir les anciennes bonnes coustumes, qui estoient que l'on debvoit honorer le meilleur chevallier du jour.
Le duc de Bourgoingne, veant que le pont qu'il avoit fait faire estoit fort assez pour passer grant armée, et que les tonneaulx, les cordes et les planches levoient et soubstenoient tel faiz que l'on leur vouloit bailler, si prit conseil de faire passer et courir plus grande puissance, et assez tost après la journée devant dicte, le seigneur de Gry eust la charge et fut chief pour celluy jour, et menoit et conduisoit l'estendart du duc de Bourgoingne, et le pourtoit pour celluy jour, Maillart de Fleschin, ung escuyer de Picardie, escuyer d'escuyrie du duc, et fut accompaigné icelluy estendard par Adolf, monseigneur de Gleves, nepveur du duc, par Cornille, bastard de Bourgoingne, le seigneur de Ternant, messire Jaques de Lalain et moult d'aultres seigneurs, qui passèrent le pont par un mardy *', et pour ce qu'on fut adverti que les Gantois estoient en grant nombre en ung villaige my chemin de Termonde et de Gand, nommé Hovermaire2, et gardoient un hault et puissant boulovart qu'ilz avoient fait pour garder et deffendre icelluy vilaige de Hovermaire, si marcha la compaignie celle part; et le conte de Sainct Pol, messire Jehan de Cry, messire Jaques de Lucembourg,
