Pensans

bataille et attendirent les ungs les aultres, et nos gens approucherent et entrèrent partie en ung champ devant eulx, et de costé furent envoyez environ cent arcliiers, qui tirèrent tous à une fois sur costiere; et commença le hu et le cry de toutes pars, et prestement se rompirent lesditz Gantois et se mirent en fuyte; et certes il en mourut bien à celle rencontre quinze cens1; et fut un droit enoysellement2 et ung gibier pour les josnes et nouveaulx chevalliers, dont plusieurs y en avoit qui estoient nouveaulx gens d'armes ; et s'en retourna la compaignie à Termonde celle nuit, menant grant proye de prisonniers, de bagues et bestial conquis sur les ennemis3. Le vingt cinquiesme jour de may 4, le conte d'Estampes estant à Audenarde, fort accompaigné de la noblesse et puissance de Picardie, fît une emprinse pour aller gaigner sur les Gantois le villaige de Neve 5 en Flandres, que les Gantois et le peuple, leur aidant et bienveuillant, avoient moult fort fortiffié ; et y estoient grant nombre de villains assemblez. Si fit le conte ouvrir les portes devant le jour et marcha l'enseigne de messire Anthoine, bastard de Bourgoingne, la première ; et vindrent bien matin es barrières de Neve ; descendirent à pied