Les noms desquels. » des noms sont donnés par Chastel
nir et sçavoir; et selon que chevalliers nouveaulx estoient faictz, ilz marchoient contre ledit boulovart, qui fut promptement assailli. Mais les Gantois, quant ilz virent venir enseignes et gens les ungs après les aultres et que l'on les assailloit si bauldement, ilz se mirent à la fuyte et abandonnèrent les deffenses, et furent chassez pesle mesle, et plusieurs en y eust occiz, mais ilz avoient grant advantaige, tant pour ce qu'il falloit gaigner et monter ledit boulovart sur eulx comme pour ce qu'ilz estoient legierement armez, et le chauld estoit grant, et le sablon pesant et chauld à marcher et fort au desavantaige de nos hommes d'armes ; et certes l'ung des premiers hommes que je veiz sur le boulovart fut messire Jaques de Lalain. Messire Adolf de Cleves et messire Cornille, bastard de Bourgoingne, montèrent promptement sur ledit boulovart sans attendre et sans marchander, et poursuyvirent les ennemis moult longuement à pied, et me souvient que Guillaume de Sainct Songne, ung moult notable escuyer qui gouvernoit et avoit norry ledit bastard de Bourgoingne, courut audevant et l'arresta et luy dist : « Gomment, monseigneur, voulez « vous, par vostre verdeur et jeunesse , mectre ceste « noblesse en dangier, qui vous suit en pesantes armes, « par telle chaleur et à pied qu'il faut les plusieurs por- « ter et soubstenir par les bras? Vous debvez estre le « chastel et le fort où tous les aultres se doibvent ras- « sembler et fortiffier ; et l'on ne vous peult consuyr « ne ratteindre, et certes, se les ennemis retournoient « et vous trou voient en tel travail et desroy, ceste
lain, loc. cit., p. 264. Il doit être consulté pour cette escarmouche d'Overmeire.
« vaillance vous seroit tournée à honte, par le dom- « maige que à vostre cause pourroit avoir la compai- « gnie. »
Le bon chevallier, qui moult obeissoit à celluy qui l'avoit norry, s'arresta, et se rassembla chascung à l'entour de luy, et tandis fut le boulovart rompu, et passa1 messire Jehan de Cry à cheval, qui estoit venu en la seconde compaignie, et passa son enseigne et sa compaignie, et chassa jusques à Gand ; et furent les chevaulx ramenez à ceulx qui estoient descenduz à pied ; et tandis que ces choses se faisoient, les Gantois estans à Locres 2 en grant nombre, sachans que leurs compaignons , estans à Hovermaire , avoient à souffrir, se partirent bien trois mille hommes et vindrent celle part ; et cuyderent enclorre la compaignie par derrière, cuydant3 qu'encoires durast l'assault au boulovart, et si bien advint que la compaignie qui avoit assailli estoit desjà à cheval, et le conte Loys de Sainct Pol et sa compaignie, qui ne s'estoient bougez de la bataille, ne rompu leur ordre, pour chose qui fust advenue, fut assez tost adverti de la revenue des Gantois, tant pour la pouldre qui se levoit en leur chemin, comme par aucungs chevaulcheurs qui se perceurent d'eulx. Si se mit chascun en debvoir et en ordre pour recevoir iceulx Gantois. Fièrement marchèrent lesditz Gantois et reculèrent ce qu'ilz trouvèrent de nos gens, et avoient archiers et arbalestriers qui tiroient devant leur bataille. Si trouvèrent ung grant fossé, où ilz s'arresterent, se mirent en
