Pour embrasser leur faict

tribut sur le sel; comment il leur avoit leurs bourgeois prins, occis et exécutez d'espée et de corde, par main de bourreaulx et aultrement; comment il brusloit et essilloit les maisons et les demourances de leurs subjectz et bourgeois, et leurs heritaiges; et sembloit, à ouyr leur proposition et remonstrance, que le duc eust grant tort, de retour, qu'il ne laissoit et1 souffroit les seigneurs de Gand possesser seigneurieusement du droit et seigneurie de conte, comme si eulx mesmes fussent seigneurs et propriétaires, ou voisins de leur prince; et congneurent assez tost les embassadeurs du Roy leur rébellion, obstination2 et voulenté, combien que, comme saiges, ilz entendirent le proposé des Gantois froidement et par plusieurs journées3.

En ce temps s'estoit tiré le duc à Vasmustre 4, ung gros villaige qui siet sur l'Escault ; et fut envoyé de là le conte d'Estampes faire une chevauchée par le pays ; et fit ce jour une si grant chaleur de souleil, que plusieurs des chevaulx de la compaignie du conte moururent celluy jour5. Le conte fît rompre plusieurs boulovars faictz par les Gantois, et vint instituer