Épié, suivi secrètement

que les Gantois estoient aux champs. Si s'arresterent et firent >arrester la compaignie ; et quant Gantois s'apperceurent qu'ilz ne marchoient plus avant, si se desembuscherent à si grosse compaignie, que besoing fut à la garnison de retourner ; et fut mandé à messire Jaques de Lalaing qu'il saillit pour son frère secourir. Ce qu'il fit ; il recuillit ses gens et mit en bataille devant les Gantois. Mais il estoit si tard que la nuict deppartit les compaignies; et s'en retourna messire Jaques à Audenarde ; et les Gantois couchèrent en une abbaye près de là i , et devant le jour se partirent et s'en retournèrent à Gand. -

En celluy temps le bastard de Bourgoingne, luy estant à Teremonde, eust moyen de parlementer secrètement à ung qui estoit chief desditz Angloix et se nommoit Jehan Fallot , moult subtil homme de guerre et avantaigeux2. Celluy Jehan Fallot remonstra à ses compaignons qu'ilz ne pouvoient avoir honneur de servir celle commune contre leur seigneur, et aussi qu'ilz estoient en dangier de ce puissant peuple, et que communément le guierdon3 du peuple est de tuer et assommer ceulx qui mieulx le servent ; et si bien leur remonstra Jehan Fallot qu'il convertit bien cinquante Angloix des plus gens de bien ; et ung jour soubs umbre d'une emprinse contre les Bourguignons, ilz s'en vindrent à Teremonde rendre à mondit sei-