La récompense

gneur le bastard, qui moult bien les receut et leur bailla logis et ordonnance telle qu'ilz en furent bien contens.

Tost après, ceulx de la Verde Tente et aultres Gantois firent une rese1 sur les marches de Hainnault et dedans le pays pillèrent, bruslerent et firent moult de maulx, et disoit on qu'ilz estoient de huict à neuf mille hommes ; et certes lesditz Gantois avoient grant advantaige, car il estoit y ver et avoit gelé, et les Gantois estoient à pied et alloient par fossez et par marcaiges, ce que gens de cheval ne pouvoient faire. Si fut adverti le bastard de Bourgoingne de leur retour et de leur passaige, si2 se partit de Teremonde en bonne ordonnance et ordre, et leur vint à l'encontre saigement, les prenant à son advantaige ; et porta ausditz Gantois très grant dommaige et en occit plus de cinq cens et leur rescouyt3 leur proye. Mais pour l'advantaige de la saison, qui faisoit pour eulx, il ne les peust deffaire de tous poinctz, ce qu'il eust ligierement faict si c'eust esté temps chevauchable. Acelluy rencontre s'esprouvarent moult bien les Angloix, nouveaulx Bourguignons, et monstrerent celle première fois qu'ilz voulloient loyalement servir et tenir le party qu'ilz avoyent prins. En ce temps les Gantois envoyèrent devers le conte d'Estampes luy requérir qu'il leur impetrast saufconduit devers le duc, pour avoir lieu de traicter aucune paix. Ce qui leur fut accordé ; et fut journée prinse à Bruges, où fut envoyé de par le duc ledit conte d'Estampes et gens du con-

1. Expédition, course. — Voy. J. du Glercq, liv. II, ch. xxxv.