CHAPITRE XII

Comment les Bourgongnons surprirent la ville de Luxembourg par eschelles; et comment le dac de Bourgongne fut maistre de tout le reste.

Comme dit est dessus, au lieu d'Ais se tenoient le conte d'Estempes et le bastard de Bourgoingne, grandement accompaignez et singulièrement de bons chiefz, qui est le premier et le principal pilier de la guerre. Si soubtillarent les aucungs secrettement d'envoyer eschelleurs compaignons à leur adventure pour taster et assayer s'ilz pourraient riens exécuter, fust sur la ville de Lucembourg ou sur la ville de Tionville ; et furent deux eschelleurs, dont l'ung estoit au seigneur de Cry et se nommoit Robert de Bersat, et l'aultre, et le principal, se nommoit Johannes et estoit au seigneur de Montagu, frère du mareschal de Bourgoingne, et fut ung compaignon allemand qui parloit les deux langaiges; et de leurs emprises et exécutions se conseilloient, et retournoient à Guillaume de Grenant1 et à Jaquot de Venieres, deux escuyers bourguignons de la compaignie du bastard de Bourgoingne, qui furent deux notables gens, saiges, vaillans et bien renommez. Et se conduisoit ceste emprise secrettement, comme il le convenoit. Et ay bien sceu que premiers ilz pourgectarent sur Tionville ; mais ilz n'y prouffitarent riens et retournarent leur emprise sur Lucembourg. Et

1. Monstrelet le nomme par erreur Guillaume de Grevant. Crevant dans Sauvage.

tant soubtivarent qu'ilz trouvarent moien de congnoistre leur guect et d'entrer en la ville de Lucembourg par leurs eschelemens. Et avoient robes d'AUemans, et ledit Johannes sçavoit parler, qui moult prouffîta ; et leur sembla que le plus convenable lieu pour leur emprise seroit auprès d'une tour soubz laquelle avoit une poterne, qui sailloit soubs1 costiere, entre le chemin d'Arlon et celuy qui tire à2 Tion ville, et congnurent que la muraille estoit sans galerie et sans allée et n'y pouvoit arrester le guect de la ville, et que, l'archeguect passé, ligierement l'on pourroit entrer en nombre souffisant pour rompre celle poterne. Les choses ainsi pourgectées, et le rapport faict aux deux escuyers, l'on descouvrit ceste opinion au conte d'Estempes et au bastard de Bourgoingne, et fut advisé que l'on feroit une course à puissance devant Lucembourg, et que le seigneur de Saveuses, Robert de Miraumont, Guillaume de Grenant , Jacob de Venieres et aultres, soubs umbre de l'escarmouche, yroient visiter et veoir, au moins [en] ce que possible seroit, si l'emprinse de Johannes estoit vraysemblable ne possible, ce qui fut faict. Et sembla la chose conduysable, et ne faisoit on pas tant de doubte à escheller le mur, comme l'on faisoit de monter le fossé, qu'il convenoit pareillement escheller contre la muraille. Le conte d'Estempes, revenu au logis, et le bastard de Bourgoingne se rassemblèrent et ceulx qui de ce sçavoient à parler, qui n'estoient pas grant nombre, et, le rapport ouy, fut advisé d'envoyer devers le duc pour l'advertir de ceste emprise et sçavoir se c'estoit son