Deux mots omis dans les édit. précédentes

il 3

petite ville destruicte et au pire pays de la duchié ; et guerroyoient et queroient leurs advantures chascun d'ung cousté et d'aultre. Et, pendant ce temps, fut envoyé Quesnoy, herault et officier d'armes, devers le conte de Click, luy offrir que, s'il vouloit combatre pour le droit de la querelle, Jehan, monseigneur, conte d'Estempes, de sa personne le combatroit ; ou, s'il vouloit choisir Gornille, bastard de Bourgoingne, Jaques de Lalain, Guillaume de Vauldrey ou Hervé de Meriadet1, chascun d'iceulx luy fourniroit la bataille; et si ledit conte de Click aimoit mieulx à prendre autant de nobles hommes avecques luy que ceulx qu'il luy offroit là, iceulx princes, seigneurs et nobles hommes dessusditz les fourniroient et accompliroient, fust à pied, fust à cheval, et par tous les honnorables moyens que le conte de Click et les siens le vouldroient demander. Honnorablement receut le conte de Click le herault dessusdit, et luy fît très honnorable response, sans accepter la bataille, sinon en delay de respondre; et certes ledit conte de Click estoit un gentil chevalier et ne fist chose qui vint à la congnoissance de nostre party, qui ne fust honnorable. Et ainsi se passoit la saison et la guerre sans grant exploit.

1. Hervé de Mériadec et Jeanne de Croix, sa femme, reçurent plusieurs faveurs de Philippe le Bon. Ils furent affranchis du droit de meilleur catel qui appartenait au duc dans la châtellenie de Courtray. (Archives du Nord, B 1608.) Mériadec fut nommé garde de l'hôtel ducal à Wervicq (id.) et reçut de lui les sergenteries des Quatre-Métiers et du bailliage de Hulst. {Id., B 1607.)