Lisez Authume

ilz le trouveroient en luy, et qu'ilz luy fussent bons subgectz, et il leur seroit bon prince, et que jamais plus ne luy souviendroit de l'injure par eulx commise contre luy. Si furent les bannières des mestiers de Gand apportées toutes et baillées au roy d'armes de la Thoison d'or, qui, en la présence du duc, les fit mectre en ung sac et les fit porter au logis1.

Ces choses faictes, s'en retournèrent les Gantois moult joyeulx, et fut la paix criée en leur ville, et firent feuz, luminaires et carolles de joye parmy la ville, et celle nuict plusieurs compaignons s'allèrent festoyer à Gand et eurent grant chiere. Et le duc de Bourgoingne pour celle nuict s'en retourna en son logis à Gavre, et le lendemain, après disner, se tira le duc en sa ville d'Audenarde, et, par manière de triumphe et de victoire, fit porter devant luy, par ses archiers de corps et aultres, les bannières des mestiers de Gand ; et depuis furent portées, la moictié devant Nostre Dame de Boulongne, et l'aultre moictié devant Nostre Dame de Haulx, où l'on les pouvoit vcoir, à l'heure que cette guerre de Gand fut par moy enregistrée2; et de là se tira le duc à l'Isle et rompit son armée.

En ce temps estoit le seigneur de Gry en Lucembourg3 et faisoit la guerre aux Allemans, lesquelz,