Deux mots omis dans les éditions précédentes

nier, qu'il donnoit à tous pauvres qu'il encontroit par les villes et par les champs. Il estoit en son vertueulx advenir saige, large et véritable, et se nourrit en telz meurs et en telz vertuz, que je n'ay point leu ne sceu si vertueulx advenement de prince1. Et se Dieu me donne grâce de continuer mon œuvre et de reciter les haulz faictz que j'ay veuz de luy, en moi acquitant de dire vérité, je monstreray évidemment que bel et délectable fut le verd et la fleur dont le maeur et le f'ruict est de si haulte perfection.

En ce temps se maria le duc Jehan de Gleves et Ysabel de Bourgoingne, seulle fille et héritière du conte d'Estampes2, et se faisoient grans chieres et grans festiemens, et se mirent sus aucuns convives que l'on appelle banquectz, qui commencèrent à petiz fraiz, et montèrent et multiplièrent en grandes assemblées et fraiz de viandes et d'aultres mectz, et montoient et croissoient iceulx banquectz de chevalliers à seigneurs, et de seigneurs à princes, et de grant en grant multiplioient en despense, et vouloit chascun monstrer plus grant chose que son par avant.

Et de ce temps advint que le pape Nycolas envoya devers le duc de Bourgoingne, au lieu de l'ïsle, ung chevallier, et luy signiffia la prise de Constantinoble3,

1. Comparez ce portrait avec celui que Chastellain trace de Charles dans Les hauts faits du duc de Bourgongne, édit. Kervyn, t. VII, p. 228 et suiv. V. aussi Guillaume Fillastre (Histoire de la Toison d'or).

2. Le 22 avril 1455, à Bruges. V. Mathieu d'Escouchy, ch. cxxxi, t. II, p. 289. Jean, comte d'Etampes, eut d'un second lit une autre fille, Charlotte, mariée à Jean d'Albret.