mai

que avoit faite le Turcq nommé l'Amorat Bay1, qui fut filz de celluy qui desconfit les Gaules2 en Honguerie, et où fut prins le duc Jehan de Bourgoingne, père du duc Philippe, et comment celluy Turcq avoit assailly par plusieurs fois la cité, où il avoit trouvé merveilleuse résistance par les chrestiens, et comment Sagnam Basac, ung mammeluz, avoit recommencé l'assault, et par ce fut la cité prinse et le noble Empereur3 occis, et tous ses enffans ; et comment la riche église de Saincte Sophie avoit esté pillée, violée et destruicte, et les sainctes reliques, voire le corps de Nostre Seigneur Jésus Christ, rué parmy la rue, par les fiens et ordures, avecques les pourceaulx, sans les murdres, les injures et les cfforcemens faicts aux chrestiens et chrestiennes . Et certes les nouvelles furent piteuses à ouyr; car, comme disoyent les voyagiers, c'estoit une moult noble cité que Gonstantinoble, et avecques la pitié, la destruction du peuple et l'amandrissement de la foy chrestienne, faisoit moult à plaindre la mort et la destruction du noble Empereur et sa personne ; car, sans aultre prince blasmer où amandrir, je juge l'Empereur de Gonstantinoble, vivant, la plus noble personne du monde ; car l'Empereur d'Allemaigne n'est Empereur que par élection, et celluy de Constantinoble estoit Empereur de ligne en ligne et de père à filz, de plus de cinq cens ans de règne, et puis qu'un Empereur précède les Rois en nom et en dignité, je cuyde avoir

1. Mathieu d'Escouchy l'appelle Morbazenne. On a signalé plu? haut l'erreur généalogique commise par Olivier de la Marche au sujet du conquérant de Constantinople.