Cheval. » (Math. d'Esc, i
Le neufiesme estoit ung lac avironné de plusieurs villes et chasteaulx, auquel lac avoit une nef à voille levée, tousjours vagant par l'eaue du lac à par soy, et estoit ceste nef gentement façonnée et bien garnye de choses appartenantes à naviere.
La tierce table, qui estoit la moindre des deux aultres, avoit une forest merveilleuse, ainsi comme si c'estoit une forest d'Inde, et dedans celle forest estoient plusieurs bestes estranges et d'estrange façon, qui se mouvoient d'elles mesmes, ainsi que si elles feussent vives.
Le second entremectz de celle table estoit ung lyon mouvant attaiché à ung arbre au millieu d'ung preaul, et là avoit le personnaige d'ung homme qui batoit le chien devant le lyon.
Le tiers et dernier entremectz estoit un marchant passant par un villaige, portant à son col une hotte de toutes manières de marceries pleine.
Et pour deviser la manière et du service et des viandes, ce seroit merveilleuse chose à racompter, et aussi j'avoie tant aultre part à regarder, que deviser au vray n'en sçauroye ; mais de tant me souvient que chascun plat fut fourni de quarante huict manières de mectz, et estoient les plats de rost chariotz estoffez d'or et d'azur.
En celle salle, au plus près de la table, avoit ung hault buffet chargé de vaisselle d'or et d'argent et de potz de cristal garnys d'or et de pierreries, et n'approchoit nul ce buffet plus avant des gardes de bois qui estoient là faictes, si non ceulx qui servoient de vin.
Ainsy comme au millieu de la longueur de la salle,
assez près de la paroy, à r opposite de la longue table, avoit ung hault pillier, sur quoy avoit une imaige de femme nue, qui les cheveulx avoit si longs, qu'ilz la couvroient par derrière jusques aux rains, et sur son chief avoit ung chappeau très riche, et estoit enveloppée ainsy que pour mussier où il appertenoit, d'une serviette à manière de volet bien délié, escripte en plusieurs lieux de lettres grégeoises, et gectoit cest ymaige, par la mamelle droite, ypocras, autant que le soupperdura ; et auprès d'elle avoit ung aultre pillier large, en manière d'ung hourt, sur quoy estoit attaichié à une chaisne de fer ung lyon vif1, en signe d'estre garde et deffense de ceste imaige , et contre son pillier estoit escript en lettres d'or, en une targe : « Ne touchez à ma dame. »
Comment les seigneurs et les dames furent assis aux tables2. — Mondit seigneur doncques , madame la duchesse et toute leur noble compaignie mirent assez longuement à visiter les entremectz. Toute la salle estoit plaine de nobles gens, et peu en y avoit d'aultres. Là estoient cinq hours bien ordonnez pour ceulx qui ne vouldroient point seoir à table, qui tantost furent pleins d'hommes et de femmes, dont la pluspart estoient desguisées, et tant en sçay, qu'il y avoit des chevaliers et des dames de grant maisons , et qui là estoient venuz de loing, les ungs par mer et les aultres par terre pour veoir la feste, dont il estoit grant renommée.
1. Gilles Le Gat, serrurier à Lille, reçut 20 sols pour fabrication d'une chaîne, d'une cheville de fer, de deux navets et de deux tourets, destinés à attacher ce lion (Laborde, p. 427).
