Ici Math. d'Escouchy se met en scène. Voy. t. II, p

Pour le faire brief, après que chascun eust assez regardé les entremectz, les maistres d'hostelz, qui la besongne conduisoient, vindrent faire l'ordonnance de l'assiette. Au millieu de la moyenne table s'assit mondit seigneur le duc, à sa dextre s'assit madamoiselle, fille de monseigneur le duc de Bourbon'1, après elle monseigneur de Gleves, madame de Ravestain, niepce de madame la duchesse et femme de monseigneur Adolf2; et madame la duchesse fut assise à sa senextre avec madame de Gharny3, mademoiselle d'Estampes4, monseigneur de Sainct Pol, madame de Beures5, femme de monseigneur le bastard de Bourgoingne, monseigneur de Pons6 et madame la chanceliere7.

A la grande et seconde table fut assis monseigneur de Charrolois, monseigneur d'Estampes, monseigneur Adolf, monseigneur de Fiennes, monseigneur le bastard de Bourgoingne, monseigneur de Hornes 8, meslez avec grant nombre de dames et de damoiselles, et aussi tant d'aultres chevaliers, que les tables estoient plaines d'ung costé et d'aultre; et pareillement à la troisiesme table furent assis escuyers et damoiselles ensemble, en telle façon que les tables furent fournies.