Casaques

et avoit vestu une jaquette juste de soye blanche, rayée de vert, et chapperon tenant en sus. Il avoit estrange barbe et visaige ; il portoit en ses mains deux dars et une targe ; il avoit sur sa teste ung homme, les piedz dessus, qui se soubstenoit par ses deux mains sur les espaules du monstre, et ledit monstre estoit monté sur ung sanglier couvert richement de soye verte ; et quant il eust faict son tour parmy la salle, il s'en retourna par où il estoit venu.

U entremectz de Vysioire de Jason, j)ar lequel fut monstre comme ledit Jason se combatit aux bœufs de colères. — Quant le luytin s'en fut retourné, ceulx de l'église chantèrent, et ou pasté fut jouhé d'une douchaine1 avec ung aultre instrument, et tantost après sonnèrent moult hault quatre clairons et firent une moult joyeuse batture2. Ces clairons estoient derrière une courtine verte, tendue sur unggrant hourt faict au bout de la salle. Quant leur batture fîna, soudainement fut tirée la courtine, et là fut veu sur ledit hourt ung personnaige de Jason , armé de toutes armes , qui se promenoit en icelle place, regardant autour de luy, comme s'il fust venu en terre estrange. Puis s'agenoilla et regarda vers le ciel , et lisit ung brief que Medée luy avoit baillé quant il se partit d'elle pour la Thoison d'or conquerre, et, à son relever, il veit venir contre luy grans et horribles beufz, qui luy vindrent courir sus; et tantost ledit Jason coucha sa lance et s'apoincta pour combatre ces bestes qui l'assailloient

\ . Doucine, flûte douce.

.2. Cette partie est abrégée par La Marche. Il y a un peu plus de détails dans Math. d'Escouchy.

de merveilleuse force et si vivement que c'estoit effrayante chose à regarder ; car ilz gectoient feug et flambe par les narines et par la gorge, et ledit Jason se defïendoit et combatoit par si belle façon, que tous disoient qu'il avoit une contenance d'homme de bien. La bataille dura moult longuement et tant que ledit Jason gecta sa lance contre les beufz et mit la main à l'espée, et, en soy combatant, luy souvint que Medée luy avoit donné une fiolle pleine d'aucune liqueur ayant telle vertu que, au moyen de ladicte liqueur, il pouvoit lesditz beufs matter et subjuger et esteindre leur ardent feu, qui luy nuysoit fort. Si print la fiolle et gecta la liqueur contre les museaulx desditz beufs, et prestement ilz se rendirent domptez, veincus et matez; et à tant fut la courtine retirée, et cessa ce mistere pour celle fois.

Uentremectz du serf. — Après ce mistere fut joué des orgues en l'église par le long et espace d'ung motet, et tantost après fut chanté ou pasté, par trois doulces voix, une chanson tout du long, laquelle se nomme la « Sauvegarde de ma vie. » Puis par la porte dont les aultres mectz estoient venus, après ce que l'église et le pasté eurent chascun joué quatre fois, entra dedans la salle ung cerf merveilleusement grant et beau, lequel estoit tout blanc et portoit grandes cornes d'or, et estoit couvert d'une riche couverte de soye vermeille. Selon mon advis, dessus ce serf estoit monté ung jeune filz de l'âge de douze ans, habillé d'une robe courte de velours cramoisy, portant sur sa teste ung petit chaperon noir decoppé, et estoit chaussé de gentz solliez . Ce dit enfant tenoit, à deux mains, les

deux cornes dudit cerf. Et quant doncques il entra dedans la salle, lors il commença le dessus d'une chanson moult hault et cler, et ledit cerf chanta la teneur, sans y avoir autre personne, sinon l'enflant et l'artifice dudit cerf, et nommoit on ladicte chanson qu'ilz chantoient : « Je ne veiz oncques la pareille, « etc. » En chantant, comme je vous racompte, ilz feirent le tour par devant les tables, et puis s'en retournèrent; et me sembla bon cest entremectz et voulentiers veu.

L 'entremectz de Jason, par lequel il fut monstre comment il tua le serpent en Colcos. — Après ce bel entremectz du blanc cerf et de l'enffant, les chantres chantèrent ung motet dedans l'église, et au pasté fut joué d'ung leuz avecques deux bonnes voix, et faisoient tousjours l'église et le pasté quelque chose entre les entremectz. Après ce, quant ceulx dudit pasté eurent fait leur devoir, sur le hourt auquel l'on monstroit l'histoire de Jason, sonnèrent une batture les quatre clairons qui paravant avoient joué, et, après celle batture achevée, l'on tira la courtine dont devant est faicte mencion, et atant fut veu Jason qui se proumenoit très richement embastonné, comme à l'aultre fois. Si luy advint, à ceste heure, que tout soubdainement luy vint courir sus ung très hideux et espouvantable serpent. Ce serpent doncques avoit la gorge et la gueule ouverte, les yeulx gros et rouges et les narines enflées, et estoit composé et ediffié en telle façon que, par sadicte gueule et par la plus grant part de ses conduictz, il gectoit venin très puant et feu et fumées merveillables.

Quant Jason regarda ce serpent et le veit venir et tirer vers sa personne, il se mist en deffense moult bien et très ordonnement ; et là se commencèrent à combatre ledit Jason et le serpent, et en ce feirent si bon devoir que ce ne sembloit pas mistere , ains sembloittrop mieulx une très aigre et mortelle bataille. Et, pour l'assouvissement de leur personnaige, Jason luy gecta sa lance , puis le combatit de son espée et tint manière de soy remembrer d'ung anneaul que Medée luy donna servant à ceste bataille. Si le monstra au serpent et prestement il fut vaincu, et lors Jason le ferit tant de son espée, qu'il luy coupa la teste devant tous, puis luy esracha les dents et les mist en une gibecière qu'il portoit; et atant fut la courtine retirée.

Uentremectz du dragon voilant en l'air. — Atant tut joué des orgues en l'église, et au pasté jouèrent de flustes quatre menestriers, puis par le hault de la salle partit, d'ung bout, ung dragon ardent qui voila la plus part de la longueur de la salle et passa oultre, tellement que l'on ne sceut qu'il devint; et lors chantèrent ceulx de l'église, et au pasté jouèrent de vielles les aveugles .

Uentremectz du faulcon et du hairon. — Après à ung des bouts de la salle en hault, partit tout en l'air ung hairon , qui fut escrié de plusieurs voix en guise de fauconniers ; et tantost partit, d'ung aultre bout de la salle, ung faulcon qui vint toupier1 et prendre son vent, et d'ung aultre costé partit ung aultre faulcon, qui vint de si grant roideur et ferit le