Tourner, tournoyer

hairon si rudement, qu'il l'abatit au millieu de la salle, et, après la criée faicte, ledit hairon fut présenté à mondit seigneur ; et alors fut encoires une fois chanté en l'église, et au pasté jouèrent trois tabourins ensemble.

Comment Jason sema les dens du dragon dont saillirent hommes armez qui s entretuer ent. — Après ce sonnèrent les quatre clairons sur le hourt, et, leur batture achevée, fut tirée la courtine, et là fut veu Jason, armé et embastonné, qui les beufz avoit attaiché à une charrue qu'il tenoit et gouvernoit à guise de laboureux, et faisoit les beufz aller et tirer. Quant il eust labouré la terre, il habandonna les beufz et print les dens qu'il avoit arrachées au serpent et les sema parmy la terre qu'il avoit labourée, et, selon ce que ledit Jason alloit avant en employant la semence desdictes dens, sourdoient et naissoient gens armez et embastonnez; et regardèrent l'ungl'aultre et s'entrecoururent sus si fièrement, qu'ilz se firent le sang couler ; et en la fin s'entretuerent en la présence de Jason, qui les regarda quant il eust semé les dens; et, prestement qu'ilz se furent tous abatuz et occiz devant luy, la courtine fut retirée. Le mistère accomply, l'on joua des orgues en l'église, et au pasté fut faicte une chasse telle, qu'il sembloit qu'il y eust petitz chiens glatissans et braconniers huans et sons de trompes, comme se ilz fussent en une forest ; et par celle chasse fina l'entremectz dudit pasté.

Comment Saincte Eglise fut amenée à ce bancquet par ung géant. — Telz furent les entremectz mondains de celle feste ; je laisseray atant à en parler pour compter

d'ung entremectz pitoyable qui me semble le plus especial des aultres, et fut tel. Par la porte où tous les aultres entremectz estoyent passez et entrez, vint ung géant plus grant, sans nul artiffîce, que je visse oncques, d'ung grant pied, vestu d'une robe longue de soye verde, royée en plusieurs lieux, et sur sa teste avoit une tresque1 à la guise des Sarrasins de Grenade, et en sa main senextre tenoit une grosse et grande guisarme2 à la vieille façon, et à la dextre menoit ung éléphant3 couvert de soye, sur lequel avoit ung chasteaul où se tenoit une dame4, en manière de religieuse, vestue d'une robe de satin blanc, et par dessus avoit ung manteau de drap noir, et la teste avoit afïulée d'ung blanc couvrechief, à la guise de Bourgoingne5 ou de recluse, et si tost qu'elle entra en la salle, et elle veit la noble compaignie qui y estoit, lors, comme nécessairement embesoingnée, elle dit au géant qui la menoit :

La dame.

Géant, je veulz cy arrester,

Car je voy noble compaignie

A laquelle me fault parler.

Géant, je veulz cy arrester;

Dire leur veulz et remonstrer

Chose qui doit bien estre ouye,

Géant, je veulz cy arrester,

Car je voy noble compaignie.