Mariée plus tard à Louis de Vienne

« grans festes et nobles assemblées on présente aux « princes, aux seigneurs et aux nobles hommes le « paon, ou quelque aultre oyseau noble, pour faire « veuz utiles et valaibles, elles m'ont icy envoyé avec « ces deux damoiselles pour vous présenter ce noble « faisant, vous priant que les vuillez avoir en sou- « venance. »

Ces parolles dictes, mondit seigneur le duc, qui savoit à quelle intencion il avoit fait ce bancquet, regarda l'Eglise, et ainsy, comme ayant pitié d'elle, tira de son seing ung brief contenant qu'il vouoit qu'il secourroit la chrestienté, comme il sera dit cy après, dont l'Eglise fit manière de soy resjouyr, et voyant que mondit seigneur avoit baillé à Thoison d'or son veu, et que ledit Thoison d'or le lisit, elle s'escria tout hault et dit :

Dieu soit louhé, et servy haultement De toy, mon filz, doyen des pers de France ! Ton très hault veu m'est tel enrichement, Qu'il me semble que je suis clerement De tous mes maulx à plaine délivrance.

Par tout m'en voys requérir aliance, Et prie à Dieu qu'il te donne la grâce Que ton désir à son plaisir se face.

0 vous, princes, chevaliers, nobles hommes, Voyez patron pour haulx faictz entreprendre. Froissez vostre aise, acourcissez vos sommes, Levez vos mains, tandiz que nous y sommes, Offrez à Dieu ce que luy devez rendre. Je prens congié; car cy ne puis descendre, Mais voys tirant la terre chrestienne, Pour Dieu servir et abréger ma paine.

A ce mot le géant reprint son éléphant et le rem-

mena par devant les tables en la manière qu'il estoit venu. Quant j'euz veu cest entremectz, c'est à sçavoir l'Eglise, et ung chasteau sur une si diverse beste, je arguay en moy se je pourroye comprendre ce que vouloit dire, et ne peuz aultrement entendre, fors que celle beste, qui nous est estrange et diverse pardeçà, elle avoit emmené, en seigne qu'elle travaille et laboure sur grandes et diverses adversitez, en la partie de Constantinople, lesquelles adversitez nous congnoissons, et le chasteau en quoy elle estoit signif'fioit Foy. En oultre, et par ce que ceste dame estoit conduicte et menée par ce grant géant, ayant la main armée, j'entens qu'elle donnoit à congnoistre qu'elle doubtoit les armes des Turcs, qui l'ont chassée, et qui quierrent sa destruction.

Quant doncques elle se fut partie d'illec, les nobles hommes, à tous costez, par pitié et compassion, encommencerent à faire veuz et ensuyre mondit seigneur le duc chascun selon sa faculté, et mirent ces veuz par escript , ainsi qu'il sera dit cy après. Mais pour ce que tant de veux se firent ou s'appareillèrent de faire, et que la chose eust esté trop longue, mondit seigneur fit crier par Thoison d'or que la chose cessast atant, et que tous ceulx qui vouldroient vouer baillassent le lendemain leurs veuz audit Thoison d'or, et il les tenoit valiables, comme s'ilz eussent esté faictz en sa présence1.

Pour abréger mon escripture, tantost après le cry

1. Mathieu d'Escouchy place ici les vœux qu'Olivier de la Marche a rejetés plus loin. D'ailleurs, il suit un ordre tout différent dans leur énumération.

dudit Thoison d'or4, le bancquet fut assouvy, les nappes furent levées, et chascun fut en pied par la salle, et quant à moy, se me sembla lors ung songe, car, de tous les entremectz des tables, il n'y demoura sinon la fontaine de voirre. Quant je ne veiz rien plus de nouveaul à quoy passer le temps, lors commença mon entendement à mettre devant mes yeulx plusieurs choses touchant ceste matière. Premièrement je pensay en moy mesme les oultraigeux excès et la grant despense qui, pour la cause de ces bancquetz, ont esté faictz puis peu de temps2; car celle manière de chappeletz avoit là très longuement duré, dont chascun s'efforçoit à son ordre et mectoit paine de recevoir la compaignie plus haultement ; et principalement mondit seigneur avoit fait si grant appareil, coust et assemblée, que je nommoye ceste chose oultraigeuse et desraisonnable despense, sans y trouver entendement de vertu, sinon touchant l'entremectz de l'Eglise et des veuz de ce ensuy vans ; et encoires me sembloit si haulte entreprinse trop soubdainement commencée.

En celle pensée et ymaginacion demouray longuement, et tant que d'aventure je me trouvay auprès d'ung seigneur, conseiller et chambellan et bien privé