Prisonniers
Mon deumaine est es mains des mescreans.
J'en suis chassée Honteusement, comme pauvre esgarée; Mussant, fuyant, par dure destinée:
Si lassée, si esteincte et grevée,
Qu'à peine say Dire les maulx où je suis, et que j'ay. Plus me complains, et moings de secours j'ay Ma pauvreté touteffois maintiendray,
Pour essayer Lesquelz premier se vouldront employer A secourir Saincte Eglise et ayder Qui ne requiert le travail sans meslier.
Ainsi je cours De lieu en lieu, et puis de cours en cours. Gryant premier l'Empereur au secours.
Et puis après je gecte crys et plours
A toute oultrance, Pour estre ouye, et avoir allégeance Devant le très chrestien Roy de France Victorieux, où j'ay bien ma fiance.
Et dois avoir.
Puis chemine, sans guieres remanoir.
Aux aultres Roys, pour leur faire assavoir Le grant meschief où me faut remanoir;
Et puis revyens Aux ducs, contes et puissans terriens, Princes, marquis, aux grans et aux moyens, Généralement à tous bons chrestiens,
Pour remembrance Du Créateur qui est nostre espérance ; Que tout chascun s'apparoille et avance Pour le secours, qui est ma desirance.
Or suis joyeuse Que puis faire ma complainte piteuse Devant toy, duc, dont je suis désireuse. Metz en mes molz entente savoureuse,
Et je t'en prie.
Aussi fay je à ceste compaignie.
Pour moy ayder l'ungà l'aultre s'allie ;
Car Dieu le veult, et nulz bien faictz n'oblie.
Ainsi me va, par le divin vouloir, Qu'à ce bancquet je me suis embastue, Venant de loing par effreé povoir, Cherchant les lieux où cueurs sont à mouvoir A secourre moy dolente et perdue.
Loé soit Dieu que je suis cy venue ; Car advis m'est que j'ay fait le voyaige Pour racheter mon ennuyeux dommaige.
0 toy, o toy, noble duc de Bourgoingne, Filz de l'Eglise, et frère à ses enffans, Entemps à moy, et pense à ma besoingne. Paintz en ton cueur la honte et la vergoingne, Les griefz remordz qu'en moi je pourte et sens. Infidelles, par milliers et par cens, Sont triumphans en leur terre damnée, La où jadiz souloye estre honnourée.
Et vous, princes puissans et honnorez, Plorez mes maux, larmoyez ma douleur.
Ma joye n'est, s'emprendre ne vouliez.
En moy vengeant, ce que faire devez, En servant Dieu, et acquérant honneur.
Par mes enffans je suis en ce mesheur ; Par eux seray, si Dieu plaist, secourue, Et requiers Dieu de conseil estre acreue.
Vous, chevaliers qui pourtez la Thoison, N'oubliez pas le très divin service ; Et vous aussi, nez de bonne maison.
Gentilzhommes, vecy belle achoison Pour acquérir de los le bénéfice.
Mon secours est pour jeunes gens propice. Les noms croistront, et l'ame enrichira Du service que chascun me fera.
Dont en amour de Dieu premièrement, Et en faveur de nom et de noblesse, Je te requiers acertes fermement, Mon amé filz, pour mon recouvrement, Et vous, seigneurs, pour toute gentillesse. Par tout m'en vois; car mon œuvre me presse. Mon faict piteulx, hélas! qu'on ne Toublie. Sous tel espoir, Dieu vous doint bonne vie!
Comment Thoison cVor présenta à mondit seigneur le faisant pour faire aucung veu solempnel. — La lamentation de nostre mère Saincte Eglise faicte, en la salle entrèrent grant nombre d'officiers d'armes, desquelz le derrenier estoit Thoison d'or, roy d'armes. Ce Thoison d'or portoit en ses mains un faisant vif et aorné d'ung très riche collier d'or, très richement garny de pierreries et de perles ; après ledit Thoison d'or vindrent deux damoiselles, c'est à sçavoir madamoiselle Yoland, fille bastarde de mondit seigneur le duc1, et Ysabeau de Neufchastel, fille de monseigneur de Montagu2, adextrées de deux chevaliers de l'ordre de la Thoison d'or, c'est à sçavoir monseigneur de Grequi et messire Symon de Lalain. En telle ordonnance vindrent lesditz officiers d'armes et ledit Thoison d'or avecques le faisant, jusques devant monseigneur le duc, auquel ilz firent le reverance, puis luy dist ledit Thoison d'or en ceste façon :
« Très hault et très puissant prince, et mon très « redoubté seigneur, veez les dames qui très hum- « blement se recommandent à vous, et pour ce que « c'est la coustume, et a esté anciennement, que aux
