Roses

4. Mathieu d'Escouchy développe ce passage en indiquant que « Grâce Dieu conduisoit xii vertus, » et le paragraphe suivant en rapportant que le duc chargea le seigneur de Créqui de lire le « brief. » (V. loc. cit., p. 228 et 229.)

Ferme seurté, et espérance entière ; Miséricorde est dessoubs ma bannière; Dieu ne permet nulz dons que je n'y soye. Par son plaisir à toy droit cy m'envoye, Pour toy bailler ce brief, et, au surpluz, Te présenter ces dames de vertuz.

« Pour ce que mon benoist Créateur a ouy le veu « que toy Philippe, duc de Bourgoingne, as naguieres « faict en la présence de ceste noble compaignie, et « mesme plusieurs aultres nobles hommes cy presens « tous ensuyvans; lequel ton veul, ensemble iceulx « procedans de bonne voulenté, sont aggreables à « Dieu. A ceste cause, il m'envoye par toute chres- « tienté vers Empereurs, Roys, duez, contes et aultres « bons chrestiens, leur présenter de par luy douze « dames que j'ay ici, chascune portant le nom de « vertu, se lesquelles croire voulez, vous viendrez à « bonne et victorieuse conclusion de vostre emprinse, « et aquerrez bonne renommée par tout le monde, et « en fin paradis. »

Le brief leu et ouy, ladicte dame Grâce Dieu reprict sa raison, et dit à monseigneur :

Grâce Dieu.

Les dames cy bailleront par escript Leurs parfaietz noms, lesquelz je vous liray. Qui bien les voyt moult plaist à Jésus Crist; Auquel je prie, et au Sainct Esperit, Qu'en vous soyent; si m'en resjouiray.

Vecy la Poy, que vous presenteray Premièrement. Or, je vous prie, ouez De tous leurs briefz ce que lire m'orrez.

En ce languaige proposant, comme vous avez ouy,

ladicte dame Grâce Dieu présenta une de ses douze dames, et la première, qui avoit à nom Foy. Geste dame portoit ung brief en sa main. Tantost doncques que Grâce Dieu l'eust présentée et mise avant, elle, c'est à entendre Foy, bailla son brief à ladicte Grâce Dieu, la guide, maistresse et conduiseresse de ces douze dames ; lesquelles toutes , l'une aprez l'aultre, pareillement que Foy, furent présentées en ordre et baillèrent leurs briefz, lesquelz furent receus et leus de ladicte Grâce Dieu. Et ces briefs signiffioient et desmonstroient ouvertement leurs noms, leurs vertuz, leurs puissances, et très plaines et très haultes aucthorités et prerogacions. Et, pour entretenir propoz, le brief de Foy contenoit les misteres qui s'ensuyvent, sans adjonction ne diminucion :

Foy, la première dame.

Je suis la Foy, et divine espérance, Que chascun doit congnoistre sans erreur; Qui viens à vous, duc de noble naissance, Et à tous ceulx qui sont cy en présence, Pour mercier l'emprinse de valeur, Touchant aux veus de mérite d'honneur, El au secours que vous me présentez, Qui moult vauldra, si vous ne m'oubliez.

Charité.

Charité, mère des bien faictz Suis au palais de Dieu nommée; Qui par voz haulz vouloirs parfaictz, Signes d'amours non contrefaictz, J'espère la Foy confortée.

Si suis en ce lieu arrivée, Affin que la guyde je soye Qui vos œuvres vers Dieu convoyé.

MÉMOIRES D'OLFVIEll DE LA MARCHE. 375

Justice.

Justice ay nom, la droicturiere, Le refuge des moings puissans.

Quoy que Ton me nomme âpre et fiere, Si rens je par bonne manière Les humains corps obeissans.

Or viens je à vous d'heure et de temps, Pour advertir que servirez Foiblement Dieu, quant ne m'aurez.

Raison.

Je suis Raison, fille de Sapience, Amie Dieu, son affine et prochaine.

Guerre amortis ; paix est ma norrissance. Amour soubstiens, droict maintiens en puissance. A vous servir je mettray toute painc.

Je viens doneques en la voslre domaine; Et Dieu îe veult, pour ce qu'en son service Sur toutes riens suis vailable et propice.

Prudence.

Pour vous parer, prince de hault affaire, Prudence suis, que Dieu à vous envoyé, En espérant que ferez, pour luy plaire, Et entendrez pour le plus nécessaire, A secourir l'Église qui larmoyé.

Tant que m'aurez, et serez où je soye, Adversité n'aura nulle puissance .

De vous oster foy ne bonne espérance.

Attrempance. Attrempance, qui les haultz faietz mesure, Me nomment ceulx qui congnoissent mon estre. Il n'est nul heur qui sans moy guieres dure ; Mon faict est seur, non pas à l'adventure. De vous servir je me vuilz entremectre. Soudain vouloir ne peut estre mon maislrc. Si vous m'avez, je le dis seurement, Rien ne ferez qu'à bon entendement.

Force.

Force, ou bien Magnanimité, M'appelle on, pour ce que je pense, Par effort de bonne équité, Pour tous en généralité, A livrer vive résistance.

Je suis contre vices deffense, Et puis moult en armes servir.

Pensez donc de moy retenir.

Vérité.

A vous je viens en telle intencion, Que ne ferez rien contre mon vouloir.

Vérité suis, de tel condiction Que je ne fays nulle part mansion, S'honneur de bouch' ne m'y fait remanoir. Tenez vos mots, se me vuillez avoir.

Par voz vertuz faites crier Montjoye, Et je seray la vostre où que je soye.

Largesse.

Sans moy ne peult nul grant faict achever', Ost acquérir, n'acquérir bon renom.

Qui me reboute, il faict fort à blasmer. Par moy peult on moult de gens assembler, Ou avoir bruyct; qui que le veult, ou non, A vous je viens. Largesse m'appelle on. Je serviray pour les povres ayder, Qui serviront quant viendra le mestier.

Diligence.

Diligence, la noble poursuyvande, Suis nommée, pour ce que tant travaille, Que maintes fois mes fortunes amande.

Dieu me transmet à vos yeulx, et vous mande Qu'à le servir sans sommeiller on veille, Et que m'ayez affin que je resveille