Ce titre se trouve dans le ms. n

2. Le vœu de Philippe le Bon est placé, dans Mathieu d'Escouchy, après la lamentation de « Saincte-Eglise. »

y accompaigneray, et me employeray avecques eux à la deffense de la foy chrestienne le plus avant que je pourray, pourveu que ce soit du bon plaisir et congé de monseigneur le Roy, et que les pays que Dieu m'a commis à gouverner soyent en paix et sehureté. Aquoy jetravailleray, et me mectray en tel debvoir de ma part, que Dieu et le monde congnoistront que à moy n'aura tenu ne tiendra ; et se durant le sainct voyaige je puis, par quelque voye ou manière que ce soit, savoir ou congnoistre que ledit Grand Turc ayt voulenté d'avoir à faire à moy corps à corps, je, pour ladicte foy chrestienne, le combattray, à l'aide de Dieu tout puissant et de sa très doulce Vierge mère, lesquelz j'appelle tousjours en mon ayde. Faict à l'Isle le dix septiesme jour de février Fan de l'incarnacion Nostre Seigneur mil quatre cens cinquante trois, signé de ma main.

Philippe. »

Le veu de monseigneur de Charrolois. — « Je voue à Dieu, mon créateur, et à sa glorieuse mère, aux dames et au faisant, que se mon très redoubté seigneur et père va au sainct voyaige, ainsi qu'il entreprend et le désire d'accomplir, et ce soit son plaisir que j'y voise avecques luy, que j'y iray, et le servirai au mieulx que je pourray et sauray faire. »

Le veu de monseigneur de C lèves. — « Je voue aux dames et au faisant, que je serviray monseigneur mon oncle, s'il luy plaist, en cas que les affaires de mon pays le puissent porter. »

Le veu de monseigneur d'Estampes. — « Je voue à Dieu, mon créateur, et à sa glorieuse mère pre-

mierement, et en après aux clames et au faisant, que se le plaisir de mon très honnoré seigneur et oncle est que je voise en sa compaignie au sainct voyaige de la deffense de la foy chrestienne, et résistance de la dampnable emprinse du Grand Turc et des infidelles, je l'accompaigneray et serviray de ma puissance; et durant ledit sainct voyaige, se je puis savoir et congnoistre qu'il y ait aucungs grans princes ou grans seigneurs de la compaignie dudit Grand Turc et tenans sa loy, qui ayent voulenté de avoir à faire à moy, corps contre corps, deux à deux, trois à trois, quatre à quatre, ou cinq à cinq, je, pour ladicte foy chrestienne soubstenir, les combatray, à l'ayde de Dieu le tout puissant et de sa très doulce mère ; lesquelz j'appelle tousjours en mon ayde, par la manière dessus dicte. Estampes. »

Le veu de monseigneur de Ravestain. — « Je voue, etc., se mon très redoubté seigneur et oncle va en ce sainct voyaige, se c'est son plaisir, que je seray prest d'aller avecques luy tout partout où son plaisir sera. Et se tant est que mondit seigneur ne puisse aller audit sainct voyaige, et son plaisir soit à moy faire cest honneur de moy y envoyer, je m'offre à le servir de mon corps et de ma chevance tant et si avant qu'il me sera possible. Adolf de Gleves. »

Le veu de monseigneur le bastard. — « Je, Anthoine, bastard de Bourgoingne, voue aux dames et au faisant, que se mon très redoubté seigneur va en ce sainct voyaige, je iray avecques luy, et le serviray de mon corps et chevance; et au cas qu'il n'y voise et il luy plaise moy y envoyer et commander

aucune chose sur ce, en quelque manière que ce soit, je m'y employeray de tout mon pouvoir, comme tenu y suis ; et dois le jour que je partiray, je prendray une emprinse, laquelle je porteray tout le voyage durant, pour combatre ung Turc, en quelque manière qu'il vouldra requerre; et ce feray sçavoir en l'hostel du Turc. »

Le veu de monseigneur de Pons. — « Je voue premièrement à Dieu, aux dames et au faisant, que s'il plaist à mon très redoubté seigneur et puissant prince, monseigneur le duc de Bourgoingne, aller encontre le Grant Turq, et autre part sur les Sarrasins, et il me fait tel honneur que j'aille en son service, je le serviray de mon corps tant que ma vie durera ou qu'il luy plaira. Item, et se son bon plaisir n'est que je soye en son service, je voue à Dieu comme dessus, en demy an prouchain venant, que je ne sejourneray en ville quinze jours passés, jusques à tant que corps à corps j'aye combatu ung Sarrasin d'icelluy Turc ou d'aultre lieu, selon que je le pourray trouver premier à l'aide de Nostre Dame, pour l'amour de laquelle jamais ne coucheray en lict le samedy, jusques j'aye accompli ce que dit est. Faict le dix septiesme de février 1453. »

Le veu de monseigneur de Charny. — « Je voue aux dames et au faisant, que se mon très redoubté et souverain seigneur monseigneur le duc entretient le voyage sainct sur les infidelles, je le serviray de mon corps et de mes biens, au cas toutesvoyes que je n'aura y maladie ou leal ensoingne de mon corps;

et en ce cas, je y envoyerai huict ou dix gentilshommes payez pour ung an. »

Le veu de monseigneur de Cry. — « Je, Anthoine, seigneur de Cry, considéré le veu qu'a fait mon très redoubté seigneur monseigneur le duc de Bourgoingne, en ensuyvant icelluy, voue à Dieu, mon créateur, aux dames et au faisant, que ou cas que mondit seigneur le duc entretienne son voyaige et armée, que soubz les condictions contenues en sondit vœu, que il a voué de faire sur les Sarrasins et mescreans, par ainsi que ce soit son plaisir, j'yray avecques luy et en sa compaignie, et le serviray pour l'honneur de Dieu, en sondit voyaige, de mon corps et à mes despens, ung an entier, sans pour ce prendre ne de luy ne d'aultres chrestiens aucungs gaiges ou bienfaictz ; et obeiray à luy ou à celluy qu'il luy plaira ordonner son lieutenant en ceste partie, en tout ce qu'il luy plaira à moy enjoindre et commander, en renonçant à toutes vaines gloires, orgueil et aultres choses mondaines qui en aucunes manières pourroient empescher ou retarder ce que dessus est dit, et généralement à toutes aultres choses qui me pourroient survenir, excepté mort, prison ou maladie, ou autre empeschement raisonnable, et tel que à mondit seigneur et aultres princes sembleroit estre digne et souffi-sant pour excusacion; et tellement que ce sera au plaisir de Nostre Seigneur, à la salvacion de mon ame et à mon honneur. Tesmoing ceste cedule, signée de ma main.

A. de Cry. »

Le veu de monseigneur de Cymay. — « Je, Jehan de Cry, seigneur de Cymay, fay autel et semblable n 2.'>

veu à Dieu, mon créateur, et à sa glorieuse mère, aux dames et au faisant, qu'a faict monseigneur mon frère, et tel que cy dessus est contenu; et ou cas que, par maladie ou aultre empeschement qui fust si apparant que chascung congneust que je n'y pourroye aller, je y envoyeray huict gentilzhommes de nom et d'armes à mes despens, payez pour ung an entier, pour servir à l'honneur de Dieu mondit seigneur et prince, soubs et par la manière dessusdicte. Tesmoing mon seignecy mis. J. de Gry. »

Le veu de monseigneur de Santés [. — « Je voue à Dieu, mon créateur, et à la glorieuse vierge Marie sa doulce mère, en la présence de très haulte et très puissante princesse, des nobles dames et damoiselles qui cy sont, et à ce faisant, que se le Roy, ou mon très redoubté seigneur monseigneur le duc de Bourgoingne preignent la croisée pour résister à la puissance et contre l'Empereur des Turcz, ennemys de la saincte foy chrestienne, je les y serviray et accompaigneray en ma personne l'espace d'ung an ; et se, à l'occasion de ma vieillesse et foiblesse de corps, je n'y povoye aller, si y envoyeray je pour gaigner les pardons, et satisfaire aux péchés et defïaultes que j'ay par cy devant commises, et moy acquiter de l'obligacion que je doy à la foy de Jésus Christ à cause du sainct baptesme, deux hommes d'armes et deux archiers souffisamment montez et armez ; lesquelz je payerai et soubdoieray, par l'espace d'ung an, à mes despens. »

1 . Mathieu d'Escouchy le donne sous le nom de « vœu de messire Hue de Lannoy. »

Le veu de monseigneur de Crequi. — « Je ay ouy et entendu la pitoyable complainte de nostre mère Saincte Eglise, dont mon cueur a receu amere et doloureuse desplaisance ; mais quant j'ay sceu le vœu de mon très redoubté seigneur, celle douleur s'est ainsi comme cessée ou adoulcie pour la grant espoir que je ay qu'aucung bon et sainct fruit s'en ensuyvra; et combien que chose que faire puisse pourroi t peu prouffiter et valoir à la ressourse et grant desolacion d'icelle, neantmoins, pour ce qu'avecques les grans princes de la chrestienté raison est qu'elle soit secourue et servie à sa nécessité des moyens et des petitz, je voue aux dames et au faisant que, moyennant la grâce de nostre benoist Créateur et de sa benoiste mère, au cas que les besoingnes et affaires de mondit très redoubté seigneur pourront souffrir qu'il entreprende le sainct voyaige dont en son vœu est faicte mencion, et il luy plaist moy recepvoir en sa compaignie, je me mectray en son service, à mes despens, en tel estât et compaignie de gentilzhommes et aultres que bonnement faire pourray, selon les biens que Dieu m'a donnez ; et m'y employerai en telle façon, à mon povoir, que j'ay espoir1 que Dieu et le monde seront de moy contans ; pourveu toutesvoyes que lors ne soye empesché de mon corps ; et s'il advenoit que Dieu ne vuille, y envoieray, tant de gentilzhommes comme autres, en tel et si grant nombre que la faculté de ma chevance pourra pourter. »

Le veu de monseigneur de Eaultbourdin. — « Je voue à Dieu, mon créateur, et à sa glorieuse mère,