J'espère

aux dames et au faisant, que se mon très redoubté seigneur prend la croisée et va en ce sainct voyaige, je le serviray de mon corps et de ma puissance tout le mieulx que je pourray, et se mondit seigneur avoit ensoingne parquoy il n'y puist aller en sa personne, et il y envoyé aucung de son sang en son nom, je luy serviray et obeiray comme je feroye à mondit seigneur, et ne laisseray que je ne voise audit sainct voyaige en la manière dicte, se mehaing ou prison ne m'en destournent, et n'en retourneray que je ne m'y soye employé ung an du moins, se ce n'est pour aucungs grans biens ou prouffictz pour la chrestienté, et par l'exprès commandement ou ordonnance des princes avec qui je seray ; et s'il advient que pendant le temps que je seray audit sainct voyaige il y ait journée de bataille, je feray tant, au plaisir de Dieu, que chrestiens et Turcz auront congnoissance de mon nom ; et me mectray en mon leal devoir, sans passer touteffois ne aller hors l'ordonnance faicte et commandée par les princes, se je suis en la bataille ou eschelle à l'endroit où le Turc soit, que je aborderay le jour à sa personne. Et se Dieu par sa grâce donne victoire aux chrestiens, et que je puisse veoir que le Turc parte de la bataille pour soy sauver, quelque chose qu'il m'en puisse advenir, je ne laisseray la chasse de luy se je ne suis mort, ou se fort navré que je ne le puisse parfournir, ou que mon cheval me faille en chemin, jusques je l'aye mort ou prisonnier, se avant que je Pataigne, il ne se saulve en forteresse ou par si fort passaige qu'on ne le puist passer. »

Le veu de monseigneur le chancelier de Bourgoingne.

— « Pour ce que je, Nicolas Raoulin, obstant mon encienneté et foiblesse, ne pourroye bonnement aller en personne au sainct voyaige que mon très redoubté seigneur monseigneur le duc de Bourgoingne entend faire pour la deffense de la foy chrestienne, et ainsi et par la manière qui declairée est en son veu sur ce faict, je voue à Dieu premièrement, et après aux dames et au faisant, qu'en mon lieu j'envoyeray avecques mondit très redoubté seigneur, en son service audit sainct voyaige, ung de mes enfans, accompaigné de vingt quatre gentilzhommes armez et montez souffisamment et les entretiendray à mes despens, tant et si longuement que mondit seigneurie duc y sera. »

Le veu de monseigneur de Bergues*. — « Je voue aux dames et au faisant que, ou cas que mon très redoubté seigneur le duc voise en ce sainct voyaige et qu'il luy plaise que je le serve, je le serviray de ma personne, en telle façon que mondit seigneur le me ordonnera ; et se par maladie ou autre empeschement, je n'y puisse aller, je y envoyeray et entretiendray douze gentilz compaignons crannequiniers, ung an, à mes despens. »

Le veu de monseigneur de Commines. — « Je, Jehan, seigneur de Commines, voue à Dieu et à la vierge Marie, aux dames et au faisant, que se mon très redoubté seigneur monseigneur le duc va en ce sainct

1. Dans Mathieu d'Escouchy, il est donné sous le nom de « Messire Jehan de Ghines, seigneur de Bergues-sur-le-Zon (Ber/jop-Zoom), premier chambelan du duc de Clèves, » et dans le ms. Baluze sous celui de « Jehan de Ghelines, seigneur de Verges. » 11 est enfin suivi de ces mots : « Escript et seigné de ma main en la ville de Lille, le xviii'jour de février mil IIIIC LUI. »

voyaige qu'il a intencion de faire pour résister aux emprinses du Grand Turc et des mescreans, je le serviray partout où bon luy semblera soit par mer ou par terre, de mon corps et à mes despens ; et ou cas de maladie ou autre empeschement si apparent que chascun congnoisse que je n'y puisse aller, je y envoyeray quatre gentilzhommes de nom, et à mes despens ; lesquelz je payeray tant et si longuement que l'armée de mondit seigneur s'entretiendra de par là, pourveu que ce soit le bon plaisir de mondit seigneur. »

Le veu de monseigneur de Rochefort. — « Je, Charles, seigneur de Rochefort, fay vœu à Dieu, mon créateur, et à la glorieuse vierge Marie, aux dames et au faisant, que se mon très redoubté seigneur monseigneur le duc va au sainct voyaige sur les infidelles, ennemys de nostre foy, se son bon plaisir est, je yray avecques luy, et l'accompaigneray et serviray de mon corps et de ma puissance ; et ou cas que mondit seigneur ne yra en ce dit sainct voyaige, et mondit très redoubté seigneur et maistre monseigneur le conte d'Estampes y va, se c'est son plaisir, je yray semblablement avecques luy, et le serviray de mon corps et de ma chevance, pourveu que aucung accident de maladie ou aultre ne me survienne, parquoy je ne puisse aller au sainct voyaige; ouquel cas j'y envoyeray six gentilzhommes armez et habillez, et les payeray pour ung an entier. Et se ainsi est que mondit seigneur d'Estampes trouve lesditz infidelles, qui le fournissent pour son veu, c'est asçavoir de combatre deux contre deux, trois contre trois, quatre contre quatre, ou cinq contre cinq, et le plaisir de mondit seigneur et maistre est

que je l'accompaigne, en ce cas je seray voulentiers l'ung1 de ceulx qui combatront avecques luy lesditz infidelles, par la manière dicte, et ainsi que mondit seigneur l'entent. »

Le veu de Jehan du Bois2. — « Je voue à Dieu, à Nostre Dame, aux dames et au faisant, que s'il est ainsi que mon très redoubté seigneur monseigneur le duc de Bourgoingne entreprenne et voise au sainct voyaige ordonné pour la deffense de la foy chrestienne, et que son plaisir soit que je voise en sa compaignie, je le serviray de mon corps et chevance, et ne le habandonneray tant qu'il y sera, ou que la vie me durera; et que, dois le jour quepartiray, ne mangeray par vendredy chose qui ait receu mort,jusques à ce que je me seray trouvé embesoingné, combatant main à main à ung ou plusieurs ennemis de ladicte foy. Item, et se mondit très redoubté seigneur a bataille au Grant Turc, et que la bannière de mondit très redoubté seigneur et celle de ses adversaires y soient desployées et je soye en ma franchise et liberté, sans estre mehaigné, je me aborderay à la bannière du Grant Turc, se je la puis nullement congnoistre, et la trebucheray par terre, ou je mourray en la peinne. Et ou cas que les affaires de mondit très redoubté seigneur ne puissent porter d'y aller en sa personne, ou il y commette monseigneur son filz, monseigneur d'Estampes, ou aultre, je le serviray en toute obeyssance, comme la personne de

'1 . Mot omis dans les précédentes éditions.

2. « Jehan de Bos, seigneur de Honnelzin. » (Math. d'Esc.) « Jehan, seigneur du Boc et d'Avequin. » (Ms. Baluze.) — Il s'agit de Jean du Bois ou du Bos, seigneur d'Annequin.

mondit seigneur. Et s'il advient que mondit seigneur d'Estampes emprende bataille à aucung prince, accompaigné de certain nombre de nobles hommes, et il luy plaise de sa grâce moy faire cest honneur que j'en soye l'ung, je m'y employeray tellement, que, au plaisir de Dieu, de Nostre Dame et de monseigneur sainct George, ausquelzje prie qu'ils m'en donnent la grâce, je luy f'eray honneur. »

Les veuz de monseigneur de Boussu i et de messire Philippe de Lalain. — « Monseigneur de Boussu et messire Philippe de Lalain vouent à Dieu, à Nostre Dame, aux dames et au faisant, que se mon très redoubté seigneur monseigneur le duc de Bourgoingne va en Turquie à l'encontre des infidelles, les dessus ditz le serviront bien et loyaulment, se le plesir de mondit seigneur est qu'ilz y voisent; et du jour qu'ilz partiront, ilz porteront une emprinse pour en combatre deux ; et se le tiers y venoit, ilz en prendront telle adventure que Dieu et Nostre Dame leur vouldront envoyer. »

Le veu de messire Claude de Thoulo?igeon2. — « Je voue à Dieu, à Nostre Dame, à madame saincte Anne, aux dames et au faisant, que je serviray mon très redoubté et souverain seigneur monseigneur le duc et conte de Bourgoingne, au sainct voiaige qu'il a intencion faire à l'encontre du Turc, ennemy de nostre foy, et le serviray du corps tout le temps qu'il y sera, et des biens que Dieu m'a donnez j'y emploieray tout ce qu'il me sera possible ; et ou cas que mondit sei-