Deux mots omis dans les précédentes éditions

dame le regrect que mondit seigneur le duc avoit en ceste partie. A quoy elle respondit qu'elle congnoissoit monseigneur son mary pour ung à redoubter chevalier, et en ceste fureur doubta qu'il ne courust sus à son filz ; parquoy elle le mist hors de l'oratoire et s'en alla après, priant à mondit seigneur qu'il luy voulsist pardonner, et qu'elle estoit une estrangiere pardeçà et n'avoit point de soubstenue que de sonditfilz. Ainsi se faisoient allées et venues ; et fut ordonné que, de par monseigneur le daulphin, monseigneur de Ravestain et le roy d'armes de la Thoison d'or yroient à Terremonde pour entendre la voulenté du conte de Charrolois et de ses praticques, dont je sçauroye à parler; car je fuz par plusieurs fois envoyé à Brucelles de par mondit seigneur de Charrolois, pour avoir l'advis du chancellier Raulin comment ilz se debvoient conduyre en ce présent affaire. Les dessus ditz monseigneur de Ravestain et Thoison d'or demandèrent à mondit seigneur de Charrolois s'il vouloit demourer en ceste obstinacion envers son père; mais ledit conte leur respondit qu'il ne vouloit point demourer obstiné, mais tout humble et tout obéissant au duc, son père, comme c'estoit raison ; et sur ce point y eust allées et venues1; car le duc fut contant de se contenter de son filz, pourveu qu'il envoyeroit deux hommes hors de son hostel, dont il avoit2 ymaginacion que ceulx

1. Chastellain dit que Philippe Pot et le maréchal de Bourgogne allèrent chercher le comte de Gharolais à Termonde, « où il se tenoit mérancolieux durement et bien osbay, » et le ramenèrent à Bruxelles, vers le dauphin, qui le présenta à son père en a se ruant à genoux » et en sollicitant le pardon de celui-ci. V. du reste La Marche, infra.