Ayant le duc

estoient cause de tenir en fierté le filz contre le père. L'ung des deux fut Guillaume Bische et l'aultre fut Guyot d'Usie1. Icelluy Guillaume Bische se tira à Soissons et à Paris, et Guyot d'Usie se tira en sa maison en Bourgoingne, et à ces deux fit le conte de grans biens en leur exil, et mesme le Roy de France retint de son hostel ledit Guyot d'Usie, et, à la vérité, ledit Guyot estoit pour lors ung des gentilz escuyers de la maison. Et ainsi fut le duc obey; et Guillaume Bische, qui estoit ung homme saige et subtil, s'accointa de ceulx de Paris, tellement qu'il sçavoit les secretz des consaulx tenuz par les gens du Roy de France ; et moy mesme fus par plusieurs fois envoyé devers luy pour advertir monseigneur le duc et monseigneur le daulphin de choses qui grandement leur touchoient ; et par telles manières se commença à bander le royaulme de France, les ungs pour le Roy Charles, le père, et les aultres pour monseigneur le daulphin, le filz; et se concluoit en France bien peu de matières de grant effect, dont monseigneur le daulphin ne feust adverty.

Ainsi se dissimuloit le temps par embassades et par grans personnaiges envoyez de par le duc devers le Roy de France, qui moult proufïitarent que la guerre ne commença point pour ceste matière, mais démolira chascun en son entier ; et au regard du conte de Charrolois, il retourna à Brucelles, où il trouva le duc, son

1. D'après Chastellain, on éloigna du comte de Charolais le fils du chancelier Rolin, le seigneur d'Aymeries, qui fut privé de sa charge tant que vécut Philippe le Bon, et l'on chassa en outre deux Portugais attachés à la personne de Charles le Téméraire. — Après la mort de ce dernier, Guillaume Biche livra la de Péronne à Louis XI.

père1; et par le moyen de monseigneur le daulphin furent ces choses appaisées, et aussi moyennant les choses dessusdictes.