Brabant, par Arlon, Bastongne, Marche
3. Huisebergue. Sic dans Sauvage et les autres éditions, d'après le ms. n° 2869. C'est probablement une erreur de lecture pour Hinsebergue, puisqu'il s'agit de Jean de Heinsberg, évêque de Liège de 1419 à 1456, déjà nommé ci-devant, t. I, p. 204.
4. Gésir, coucher. — Le duc arriva à Bruxelles en janvier 1444. (Barante, édit. Gachard, t. II, p. 43.)
Charles de Bourgoingne, son fîlz, conte de Gharrolois, honnorablement accompaigné et principallement de josnes enffans de grant maison, de son eaige ou moindre; et povoit avoir onze ou douze ans d'eaige. Et estoient avec luy Jehan de la Trimoille, Philippe de Cry, Guyot de Brimeu, Charles de Ternant, Philippe de Crevecueur, Philippe de Wavrin et moult d'aultres ; et estoient montez sur petitz chevaulx, harnachez comme celluy de leur maistre. Et certes c'estoit une noble assemblée d'enffans, et de noble sang, et dont les plusieurs ont esté1 notables chevaliers, saiges et vaillans, comme cy après pourrez ouyr. Et conduisoit ledit conte de Charrolois un moult honneste et saige chevalier, nommé messire Jehan, seigneur et ber d'Auxy. Celluy chevalier estoit bel homme, bien renommé, de bon eage, beau parlier, et voulentiers recitoit choses et matières d'honneur et de hault affaire. Il estoit chasseur et volleur2, duit à tous exercices et à tous jeux ; et n'ay pas congneu ung chevalier plus ydoine pour avoir le gouvernement d'ung josne prince que luy; et moult bien luy seoit la conduicte de son maistre. En ceste compaignie estoit Anthoine, bastard de Bourgoingne, fîlz bastard du duc, et le marquis Hugues de Rottelin3. Mais ilz estoient desjà plus grans que ceux dont j'ay parlé; et peult on ligierement entendre que le bon duc vit voulentiers
\. « Depuis. »
2. Chasseur au vol du faucon. Cette expression est restée longtemps usitée. Au xviie siècle, Dangeau disait encore de Louis XIV : « Le roi alla voler l'après-dinée... le roi vola en chemin. »
3. Hugues de Hochberg, (ils cadet de Guillaume, margrave de Hochberg-Sausenberg, et marquis de Roetelen ou Rothelin.
celle compaignie. Et ainsi entra en sa ville de Brucelles, bien veigné de l'Aman et de la Loy ; et à grans processions entra en sadicte ville et vint en sa maison, où il trouva la duchesse, son espouse, qui emmenoit en sa main au devant du duc madame Katerine de France, fille du Roy Charles, contesse de Charrolois, qui povoit avoir douze ans d'eage et estoit une notable personne et apparente d'estre dame de grant loz; car elle estoit bonne et saige, et moult bien conditionnée de son eaige ; mais elle mourut assez tost après, dont ce fut grand dommaige, et de sa mort sera devisé cy après.
Avecques la duchesse vint la fille du duc de Gueldres, niepce du duc de Bourgoingne 1 et de Jehan, monseigneur, héritier de Gleves2, moult belle et gente, et povoit avoir quinze ou seze ans ; et deppuis la maria le bon duc à ses despens au Roy d'Escoce, celluy qui avoit le visage my party de rouge et de blanc, et dont d'elle est issu le Roy d'Escoce présent. Et ainsi retourna le duc en ses pays ; et le venoient les seigneurs visiter, et les villes y envoyoient leurs députez ; et n'estoit nouvelles que de dancer, de mommer, de jouster et de faire grant chiere. Et tint le duc ses karesmeaux3, en sa ville de Brucelles, oùjoustes furent faictes et criées par Jehan , monseigneur de Gleves, Jaquet de Lalain
1. Marie d'Egmont, fille d'Arnoul, duc de Gueldres, et de Catherine de Clèves, mariée en 1448 (v. st.) à Jacques II, roi d'Ecosse. Sa mère Catherine, sœur de Jean, héritier de Clèves, était fille de Marie de Bourgogne, propre sœur, elle-même, de Philippe le Bon.
2. Jean de Clèves et Adolphe, plus bas nommé, tous deux fils d'Adolphe Ier, duc de Clèves, étaient neveux de Philippe le Bon par leur mère, Marie de Bourgogne, fille de Jean sans Peur.
