Le mardi-gras 1444 (n. st

et moult d'aultres; et furent joustées sanstoille, sans fiens1 ou sablon, en ung lieu devant l'hostel du prince, que l'on appelle les Bailles. Et en ce temps vint Jehan, conte de Virtemberg, veoir le duc, pour reprandre de luy la conté de Montbeliart, dont il estoit son homme et son vassal, à cause de sa conté de Bourgoingne2. Et le receut le duc audit lieu de Bruxelles et luy fit grant honneur et grant chiere; et certes ledit conte de Virtemberg le valoit bien, car il estoit ung gentil personnaige ; et pour cent ou six vingtz chevaulx qu'il avoit en sa compaignie, ilz estoient aussi honnestes et aussi bien en point que j'en veiz onques nulz venir d'Allemaigne ; et fut fort prisé son estât, sa personne et sa manière de faire. Et se partit du duc pour retourner en ses pays, en grant amour et recommandacîon : et de là le duc se tira en Flandres pour visiter ses villes et ses pays, qui moult desiroient à le veoir, et tint le sainct jour de Pasques en sa ville de Bruges.