GO MÉMOIRES D'OLIVIER DE LA MARCHE
la jouste et la pompe. Et fut en ce temps que chevaulx de parage se vendirent si chier en France, et on ne parloit de vendre un cheval de nom que de cinq cens, de mille ou douze cens reaulx, et la cause de celle chierté fut telle que l'on parloit de faire ordonnance sur les gens d'armes de France et de les deppartir soubz chiefz et par compaignies, et de les choisir et eslire par nom et surnom. Et sembloit bien à ung chascun gentilhomme que, s'il se monstroit sur ung bon cheval, il en seroit mieulx congnu, queru et recuilly ; et, d'aultre part, dames avoient bruyt en France et loy d'elles monstrer, et cuydoit chascun gaigner bonne adventure, ou par l'ung des boutz, ou par l'aultre. Les plus renommez jousteurs * furent le conte Loys de Sainct Pol, jeune seigneur, moult saige et bien adressé, bon corps et droit et norri en la maison de Bourgoingne, [et] Jaquet de Lalain , lequel se tira en la court du Roy pour veoir et pour soy monstrer, et se gouverna si hautement en tous estatz qu'il emporta sa part du bon bruit de celle assemblée, et monstra, par effect, qu'il avoit esté nourri et eslevé en maison duicte et accoustumée de tous honnorables exercites, et que de soy il estoit homme d'estoffe et de lieu, pour suyvir et pour faire ce dont les bons vivent tousjours : c'est vertu qui florit en renommée. Le seigneur de Charny s'y monstra honnorablement. Et, au regart de la seigneurie et noblesse de France, c'estoit chose noble à les veoir.
1. Ces joutes eurent lieu à Châlons et non pas à Nancy, comme on pourrait l'induire du texte fort obscur de notre chroniqueur. Voy. d'Escouchy, t. I, p. 50, qui cite parmi les jouteurs, comme Olivier de la Marche, le comte de Saint-Pol et le seigneur de Charny.
Et là se fît le mariaige du Roy Henry d'Angleterre et de la fille du Roy de Cécile, dont dessus est faicte mencion1.
En ce temps le Roy Charles assembla son conseil pour regarder et avoir ad vis sur les gens d'armes, qui destruisoient son royaulme de toutes parts, et pour mectre lesdits gens d'armes en reigle et en ordre et les entretenir sans les perdre et eslongner de luy qui doubtoit moult2. Et fut ad visé qu'il mectroit sus quinze cens lances choisiz et esleuz et les diviseroit à certains cappitaines pour les conduyre et gouverner, et que chascune lance auroit deux archiers et un costiller armé, et que une taille se leveroit au royaulme de France, parquoy celle compaignie seroit paiée ; et sembloit vraysemblable que le peuple aymeroit mieulx paier icelle taille par an, qui touteffois estoit grande et de pesant faiz et charge, que ce qu'ilz feussent journellement mangez et pillez, comme ilz estoient ; et eust esté celle ordonnance mise sus à celle fois, se n'eust esté le daulphin, filz du Roy, qui esleva une grosse compaignie des plus gens de bien et des meilleurs gens d'armes et les mena contre Balle et les Allemaignes3, et passèrent par partie de Bourgoingne, fai-
