Deux mots passés dans les éditions précédentes

ira le duc ses grans affaires, et comme nouvellement il entroit en guerre et en conqueste pour la querelle de sa belle tante ; pourquoy il ne pouvoit plus arrester ne atarger au pays, et que desjà estoit son armée de Picardie aux champs, à grans fraiz et à grant foulle, [et] leur prioit en effect que en faveur de luy, et comme leur juge en ceste partie, par leur mesme choix et élection, qu'ilz se voulsissent tenir contens d'icelles armes commencées, et qu'ilz s'y estoient de chascun costé si honnorablement portez et maintenuz, qu'ilz avoient honneur assez en ceste cause. Surquoy tous quatre se mirent à genoulx, se contentèrent du plaisir du duc, et en sa présence touchèrent ensemble ; [et] leur fit le duc de grans dons, et à tous ceulx qui firent armes au pas dessusdit, et retint le duc le conte de Sainct Martin de sa maison, lequel y fut toujours depuis, et s'y conduysit et gouverna honnorablement et bien 4 .

Ces choses faictes, le duc se retira en son hostel pour soy armer et mectre en point, et tandis chascun montoit à cheval qui mieulx mieulx ; et, ce jour, Gornille, bastard de Bourgoingne dessusdit, tira son premier estandart aux champs, et fit l'assemblée des cent

1. Par lettres du 6 septembre 1442, le duc autorise Jacques de Visth ou de Visque, chevalier, des comtes de Saint-Martin, « pourveu qu'il le serve, en son hostel la plus grande partie de l'an », à prendre ses gages de chambellan, qui lui étaient payés auparavant par les escroes, sur les revenus de la terre, seigneurie et chàtel de Fraisans, au bailliage de Dole, dont il lui avait précédemment donné la garde et capitainerie pour y faire sa résidence et celle de sa femme, enfants et ménage, et le surplus, en cas d'insuffisance, sur la recette générale de Bourgogne. Ces gages étaient de 2 fr. par jour. (Archives de la Côte-d'Or, B 1725, fol. 68.)

lances qu'il avoit de charge, en la place qui est devant la chapelle de la Thoison d'or, et bailla son estandart à porter et en garde à ung escuyer de la conté de Bourgoingne, nommé Jehan de Monfort, beau gentilhomme et bien renommé. Le duc monta à cheval environ quatre heures après midi, et pleuvoit merveilleusement, dont ce fut dommaige que le jour ne fut bel et cler, car les pompes furent grandes, et la seignorie richement en point, et principallement le duc, qui de son temps fut ung prince honneste et joly et curieulx d'habitz et de parures, et dont le porter et la manière luy seoit si bien et tant aggreablement que nul plus de luy ne fut trouvé nulle part. 11 avoit dix huict chevaulx d'une parure, harnachez de velours noirtixuz et ouvrez à sa devise, qui furent fusilz garniz de leurs pierres, rendans feu; et, par dessus le velours, gros cloz d'or eslevez et esmaillez de fusilz, et faictz à moult grans coustz. Ses paiges estoient richement en point, et portoient divers harnois de teste garniz et ajolivez de parles, de diamans et de balais, à merveilles richement, dont une seulle salade estoit extimée valoir cent mille escus d'or1. Le duc de sa personne estoit armé gentement de son corps, et riche-

I. Les comptes de la recette générale de Bourgogne mentionnent en 1445 l'achat fait près de Fréminet Le Maisier, armurier de Dijon, de douze harnais de guerre complets, destinés au duc, et envoyés de Dijon au pays de Luxembourg en octobre 1443 « pour en faire son plaisir. » Chacun d'eux coûtait 18 saluts d'or (Archives de la Côte-d'Or, B 1694, fol. 135). Ces barnais étaient une faible partie du brillant équipage ducal. Philippe le Bon n'était pas satisfait de ce luxe inouï, car, plus tard, au moment de la « conqueste de Dinant, » il fit encore garnir une salade d'or et de pierres précieuses (V. Archives du Nord, compte de Guilbert de Ruple, 1466, B 2061).

ment es gardes, tant de ses bras, comme de son harnois de jambes, dont icelles gardes et le chanfrain de son cheval estoient tous pleins et enrichiz de grosses pierreries qui valoient un merveilleux avoir ; et de ce je parle comme celluy qui estoye lors paige du duc, et de celle parure. Jehan, monseigneur de Gleves, et son mignon Jaques de Lalain, furent fort en point d'escuyers, de chevaulx, de paiges, d'orfavrerie et de campannes. Aussi furent le seigneur de Beaujeu, fîlz du duc de Bourbon, qui lors estoit bien josne, monseigneur Adolf de Cleves qui commençoit à soy façonner et à prendre cueur, le conte de Nevers, et mesmement ledit bastard de Bourgoingne, qui avoit attiré à soy plusieurs josnes gens de l'hostel du duc, pour luy tenir compaignie en sa première armée, comme Jehan du Bois, ung moult bel escuyer de Picardie, Anthoine de Sainct Symon, moult honneste personnaige, et qui depuis laissa le monde, comme cy après sera declairé. Brief, le partement de Dijon fut pompeulx à merveilles et la journée laide et pleyne de pluye, et furent toutes ces belles parures moult empirées; et se tira le duc en sa ville de Sainct Saingne pour celle nuict, et fut son partement par ung jeudi, le neufiesme jour de septembre mil quatre censtrante1.

Ce mesme jour se partit la duchesse pour suivre le duc, et demourarent le lendemain tout le jour au lieu de Sainct Saingne2, et furent logez en l'abbaye, et là

1. Lisez : quarante-trois. Le duc quitta Dijon le 24 août et demeura à Saint-Seine deux jours. Il alla ensuite à Châtillon et à Bar-sur-Aube où il séjourna les 28 et 29 août. Olivier se trompe donc en parlant du mois de septembre (V. Ganat, Documents inédits, p. 441).

2. Saint-Seine-1' Abbaye, arrondissement de Dijon (Cote-d'Or).

attandirent que chascun se rassemblast ; car à la vérité plusieurs gens s'esgarerent et pardirent celle nuyt, qui ne sceurent venir au logis ; car le duc estoit parti tart, et fut assez sa coustume de partir tart et d'arriver de nuyct; et le troisiesme jour se partit le duc et la duchesse, et print le chemin de Bar sur Aube, et de là à Briane le Conte1 qui estoit entrée de Champaigne ; passa, par Saincte Menehoult, le travers de la basse Champaigne; et sur ce chemin trouva le conte d'Estampes2 et plusieurs seigneurs de Picardie, et pouvoientestre cinq cens lances et dix huict cens archiers. En cette compaignie furent le seigneur de Saveuses3, le seigneur de Neuf vil le, le seigneur de Miramont4, le seigneur de Plaincourt5, et plusieurs aultres chiefz. D'aultre part estoient desjà entrez au pays de Lucembourg messire Symon de Lalain, messire Sansse, son frère, Henry de la Tour, Philippot de Savigny et aultres, par l'ordonnance et commandement du duc ; et prestement saisirent Ywis6, Mommedi, Lambu7, et