En devisant

2. a A Thiery du Chastel, la somme do 637 salus 17 solz... pour le mantel de l'ordre de la Thoison d'or de mondit seigneur, fait, par son commandement, pour le roy d'Arragon, etc., etc. » (Archives du Nord, 4e compte de Guillaume de Poupet, 1449, fol. 202, B2002.)

veiz hault aucungs blasons, tels que ceux qui estoient miz es formes pour les chevaliers, et me fut dit que c'estoient les blasons des bons chevaliers portant l'ordre qui estoient mors avant l'aultre feste paravant faicte, et dont lesditz blasons estoient encoires en forme, si les avoit on là mis solempnellement, et que telle estoit la coustume, que à refaire chascune feste, quant l'on trouvoit les blasons des chevaliers es formes accoustumées, et qu'ilz estoient trépassez, et toutes les solempnités par eux passées et accomplies, iceulx tableaux et blasons estoient eslevez et miz hault hors du cueur, où chascun les povoit longuement voir et congnoistre. Vespres dictes et achevées, les chevaliers s'en retournèrent comme ilz estoient venuz ; et le lendemain, qui fut par un mercredy, entre neuf et dix heures, retournèrent les chevaliers à la grant messe, gardans chascun sa reigle et son ordre, et là je ne veiz riens de nouvel jusques à l'offerande.

Sur quoy est force de me arrester pour declairer la noble cerimonie ad ce tenue et faicte. Premièrement, quant le prestre, qui celebroit la messe, qui fut l'evesque de Tournay , fut retourné de l'autel devers les chevaliers, les officiers d'armes, vestuz de leurs cottes d'armes, en lieudeclercz de chappelle, portarentun carreau de drap d'or, et devant l'autel avoit ung râtelier, auquel avoit autant de cierges qu'il y avoit de chevaliers portans l'ordre de la Thoison d'or, presens et absens et trespassez depuis la dernière feste tenue, et print Fusil, le poursuyvant, celuy du duc fondateur et chief, le baisa et le bailla au roy d'armes de la Thoison d'or, lequel roy d'armes, en soy adgenouillant par trois fois, vint devant le duc et dit : « Monseigneur le duc de Bour-

« goingne, de Lotrich, de Brabant, de Lembourg et « de Lucembourg, conte de Flandres, d'Artois et de « Bourgoingne palatin, de Hollande, de Zeellande et de « Namur, marquis du Sainct Empire, seigneur de « Frise, de Salins et de Malines, chief et fondateur de « la noble ordre de la Thoison d'or, allez à l'offe- « rande ! » Et le duc partit hors de son siège ; et le roy d'armes, en baisant et adgenuillant, luy bailla son cierge allumé et emprins, et, au passer, se retourna le duc devers le duc d'Orléans, en luy portant grant honneur et révérence ; mais le noble duc d'Orléans ne luy lit l'honneur de son degré comme la tierce personne du royaulme de France, mais comme frère et chevalier de la Thoison d'or. Et firent tous les aultres chevaliers moult grant honneur au duc. Le duc revenu de l'ofïerande, le poursuyvant print le cierge du Roy d'Arragon, et, en le baisant, et soy inclinant, le bailla au roy d'armes, et le roy d'armes dist : « Très hault « et très puissant prince le Roy d'Arragon, venez à « l'offerande ou aultre pour vous ! » Et lors messire Anthoine1 de Gry, conte de Porcyen, qui estoit procureur pour le Roy d'Arragon, se partit de son siège et alla en la place du Roy, et puis se partit, et le roy d'armes luy bailla le cierge ; mais il ne le baisa point ny ne s'agenoilla, et ce pour la differance du prince et du procureur. Le seigneur de Gry fit reverance au duc et à ses frères et alla à l'offerande, et puis s'en retourna en sa propre place. Le poursuyvant print le cierge du duc d'Orléans, le baisa, et, en faisant reverance, le bailla au roy d'armes, et lequel appclla le