Seigneur

duc d'Orléans par ses tiltres et seignories, et luy porta son cierge et le luy présenta en baisant ledit cierge moult humblement. Le noble duc alla à l'offerande, et si, de sa part, il fit honneur au duc de Bourgoingne, le duc le luy rendit aussi grant ou plus, et alla à l'offerande ; et luy portarent les chevaliers grant honneur et révérence, et retourna en sa place. Et ainsi se presentoient les cierges aux chevaliers, et de degré en degré. Et me souviens que le roy d'armes se vint mectre en la basse forme, à l'endroit du tableau du conte de Fribourg, qui estoit des chevaliers trespassez, et dist : « Je vois à l'offerande pour le bon chevalier « le conte de Fribourg, dont Dieu vuille avoir l'ame ! » Et pour luy alla le roy d'armes à l'offerande. Et ainsi se continua la cerimonie, que en lieu d'ung absent un chevalier de l'ordre, son procureur, alloit à l'offerande pour luy, et pour les trespassez alloit à l'offerande le roy d'armes de la Thoison d'or.

L'offerande achevée et faicte, l'evesque de Verdun1, qui deppuys fut chancellier de l'ordre, fit ung sermon où fut i amentue la cause de la fondacion d'icelluy noble ordre, et dont l'intencion singulière fut pour le remède et l'ayde de l'Église et de la saincte foy chrestienne, et aussi ce que les chevaliers debvoient et [en quoy ils] estoient obligés envers Dieu et la chose publique plus que ceulx de moindre estât, de l'amour et union qui debvoit estre en eulx, de la loyaulté qu'ilz debvoient porter à leur chief et leur chief à eulx, et l'ung envers l'aultre, et moult d'aultres belles et notables choses, qui trop longues me seroient à escripre. Et, la messe