Boniface à pied et Lalaing à cheval (ibid

4. « Samedi. » Le lundi 20 ou le samedi 18 décembre. — Il y a ici une contradiction entre le récit d'Olivier de la Marche et celui de l'auteur du Livre des faits. D'après le premier, les armes à pied auraient précédé les armes à cheval des deux jouteurs, tandis que, selon le second, p. 85, elles auraient été accomplies le lendemain des autres, c'est-à-dire le jeudi 16. Mais, pour le détail des faits, Olivier qui a assisté à la joute semble mériter plus de confiance.

présenta le premier messire Jehan de Bonniface, armé et monté comme il appertenoit. Son cheval estoit couvert d'ung drap damas blanc et verd en escartelure, et sur son armet avoit le bras d'une dame tenant ung grant volet. Et seoit moult bien à cheval, et fît apporter après luy deux lances ferrées qu'il présenta au juge, dont l'une fut ferrée d'un fert bel et bon et commung pour la guerre, et celuy luy fut acordé ; et l'aultre fut ung fer à quatre pointes fort closes, et celuy luy futdefïendu, et luy fut dit qu'il n'estoit pas commung à faire armes, ne passable devant juge ne en champ clos. Et ne demoura guieres que messire Jaques de Lalain se présenta armé de toutes armes, fors que de la teste, sur laquelle il portoit ung chapperon de bourrelet d'escarlate moult bien decoppé et qui bien luy seoit, selon l'habillement de lors. Son cheval estoit couvert de drap damas gris, broudé de gros estocz jectans flamme de feu, et de sa lettre, qui fut un K, qui est une lettre hors du nombre des aultres. Et après luy venoient quatre chevaulx couverts de velours noir chargé d'orfavrerie dorée et blanche, moult richement ; et avoient lesditz chevaulx champfrains d'argent, dont yssoit une longue corne tenant au front, à manière de licorne, et furent icelles tortivées d'or et d'argent ; et les paiges qui seoient dessus furent vestuz de drap damas gris, broudé des devises et lettres semblables de la houssure dont estoit couvert le cheval dudit messire Jaques ; et avoient petitz chapperons, à bourreletz d'escarlatte , lesditz paiges sur leurs testes. Ledit messire Jaques entra en la lice, soy seignant et recommandant de sa bannerolle moult catholicquement, et estoit fort accompaigné de princes et de plu-

sieurs grans seigneurs de son lignaige; et si fit sa presentacion et furent ses lances présentées et baillées au mareschal, et d'aultre part celles du chevalier espaignol, pour les mectre à une mesure. Les crys et ordonnances furent faictz. Les chevaliers s'armèrent et prepararent et leur furent les lances baillées, et, pour abréger mon escript de ce qui advint des trois ou des quatre premières courses, messire Jaques de Lalain estoit armé de plusieurs rondelles, l'une sur la main, l'aultre sur le coude du bras de la bride et l'aultre tenant au grant gardebras, à manière d'escu ; et ledit de Bonniface estoit ung bon coureur de lance et seur, et ne failloit point de trouver l'une d'icelles rondelles et gaignoit bien trois dois de longueur de lance, en faisant icelles atteintes, parquoy messire Jaques ne povoit atteindre. Si fut conseillé de faire oster icelles rondelles, et puis recommencèrent leurs armes, et du premier coup rompirent les deux chevaliers leurs lances, qui fut la cinquiesme, et1 la sixiesme ilz croisarent trop. La septiesme, ledit de Bonniface aggrava le fer de sa lance. La huictiesme, firent tous deux très dure atteinte l'ung sur l'autre. La neuviesme, Bonniface rompit sa lance. La dixiesme, messire Jaques rompit sa lance. L'onziesme et la douziesme ne firent point d'atteinte. La treiziesme, Bonniface fit une très dure atteinte. La quatorziesme, Bonniface fit une dure atteinte et desarma2 ledit messire Jaques du grant gardebras. Si fut rearmé, et tandis ledit Bonniface faisoit regarder son cheval, et avoient ceulx qui