Et à la quatorzième aussi, et desarma

le servoyent une coustume que, à chascune course ou bien souvent, Ton neltoyoit du curetel les quatre piedz de son cheval. Si commencèrent pour la quinziesme fois, et rompit messire Jaques sa lance, et Bonniface aggrava la poincte du fert de la sienne. La seiziesme, Bonniface fit atteinte. La dix septiesme, attendirent tous deux, et fauça de ce coup messire Jaques de Lalain le bord du gardebras de son compaignon. La dix huictiesme, Bonniface rompit sa lance par la poignée. La dix neuviesrne, firent tous deux atteinte en croisée. La vingtiesme, ne firent point d'atteinte. La vingt ugniesme, rompirent leurs lances, et de ce cop fut Bonniface desarmé du petit gardebras de la lance. Tost fut rearmé, et de la vingt deuxiesme course, Bonniface fit attainte. De la vingt troisiesme, Bonniface rompit sa lance. De la vingt quatriesme, Bonniface fit une très dure attainte, et messire Jaques aggreva le fer de sa lance plus d'ung doit. La vingt cinquiesme, messire Jaques rompit sa lance, et Bonniface fit une très dure attainte près de la lumière du heaulme. La vingt sixiesme, faillirent tous deux, et la vingt septiesme, se rencontrèrent tous les deux chevaliers si durement, que tous deux aggravèrent et rompirent les fers de leurs lances. Ainsi advint que à celle course le duc les fit prendre et admener devant luy, et leur dist que le jour leur failloit de lumière, et, à la vérité, il estoit très tart, et que jà soit que les lances n'estoient rompues, ordonnées à rompre par les chappitres, ne les armes accomplies, touteffois tous deux avoient si bien et si chevaleureusemcnt besongné qu'il tenoit les armes pour accomplies, et qu'il leur prioit qu'ilz fussent contens. Sur quoy très humble-

ment merciarent le duc, et par commandement touchèrent ensemble et se partirent de la lice comme frères1, et ainsi furent icelles armes achevées, au grant honneur de toutes les deux parties; car ledit messire Jaques fit ung moult bel et honnorable commencement de chevalerie, et persévéra si largement en accroissement de loz et de bruit, que de son temps il n'a point esté plus grant exercite de chevalier, de luy, en toutes vertueuses œuvres ; et quant audit de Bonniface, il se monstra l'ung des bons coureurs de lance qui ait esté de nostre temps, et fut le troisiesme de la maison du duc de Millan, à qui j'ay veu faire armes ; et disoit on que le duc de Millan avoit tousjours cent lances especiales, dont des trois que je veiz le premier fut Jaques de Visque, conte de Sainct Martin, le second fut Galiot de Baltasin, et le tiers fut messire Jehan de Bonniface dessusdit , lequel , à la vérité, povoit bien estre tenu et réputé pour une bonne lance.