Jacques Stuart, deuxième du nom

3. Le combat eut lieu le 25 février 1449, à Sterling-Castle, où l'on voit encore la trace des travaux exécutés pour le champ clos. (Note de M. de Beaucourt, Mathieu d'Escouchy, t. I, p. 149.)

armes, se m'est il force de ramentevoir aucunes cerimonies qui là advindrent, pour exemple en temps advenir. Dont il y eut trois choses mémorables sans la bataille, qui fut moult fièrement combatue d'ung cousté et d'aultre. La première fut que quant les trois de l'hostel du duc de Bourgoingne furent tous armez, chascun sa cotte d'armes en son doz, et prestz pour partir et pour entrer en la bataille, messire Jaques de Lalain parla à messire Symon de Lalain, son oncle, et à Meriadet et leur dit : « Messieurs et mes frères, en « ceste belle journée vous sçavez que c'est à mon « emprinse que sousmes venuz en ce royaulme et « que de pieça a esté la bataille accordée à messire « Jaques Duglas, et combien que chascun de nous puist « ayder à son compaignon, je vous prie et requier que, « pour chose qui aujourd'hui me advienne, nulz de « vous ne se entremette de me secourir, car il semble- « roit qu'eussiez passé la mer et que feussiez entrez « en ceste bataille seullement pour moy ayder, et que « vous ne me teinssiez ou congneussiez pas homme « pour soubstenir l'assault et la bataille d'ung seul che- « valier, et en tiendroient chascun moins compte de « moy et de ma chevalerie. » Et sur celle requeste saillirent de leurs pavillons les champions armez et embastonnez de haches, de lances, d'espées et de dagues, etpovoient des lances gecter ou pousser, chascun à son choix. Les deux messires Jaques Duglas et de Lalain estoient au millieu pour eulx entre rencontrer, ce qu'ils feirent ; et à la main dextre estoit messire Symon de Lalain, qui devoit rencontrer à rencontre d'ung escuyerescossois, et Meriadet à l'encontre d'ung chevalier moult puissant homme et renommé ;

mais ilz se trouvèrent au rebours, tellement que le chevalier estoit à l'endroit de messire Symon. Et alors Meriadet, qui desiroit d'aborder à iceluy à qui il estoit assorty, sans avoir regart à force ne à renommée d'iceluy, traversa pour soy venir mectre devant ledit messire Symon, à l'encontre de son homme. Mais le bon chevalier froidement et asseurement se retourna devers Meriadet et lui dist : « Frère, chascun se tiengne « à ce qu'il rencontre, et je feray bien, si Dieu plaist1. » Et se remist ledit Meriadet devant son homme, et est la seconde chose que je desiroye à ramentevoir. Les champions se prindrent à marcher les ungs contre les aultres, et pour ce que les trois du party de Bourgoingne doubterent que la place ne fusi fort empeschée de tant de lances, tous trois à une fois gecterent leurs lances derrière eux, qui est la troisiesme cause de mon récit, et prindrent les haches et coururent sus aux Escossois, qui venoient de poux de lance ; mais riens ne proufiterent, et combien que tous combatissent à une fois, si ne puis je parler des adventures que de l'ung après l'aultre.

Les deux messires Jacques Duglas et de Lalain abordèrent l'ung à l'aultre et tellement s'aprou-

1 . Jacques de Lalaing combattit Jacques ou James Douglas, Simon de Lalaing, John Ross of Halket, que Mathieu d'Escouchy et Chastellain appellent le seigneur de Haguet, et Hervé de Mériadec lutta contre un autre James Douglas, frère de Henri Douglas de Lochleven, cousin de William, comte de Douglas, et du chevalier provoqué par Lalaing. V. sur ce combat Mathieu d'Escouchy, toc. cit., et le Livre des faits de Jacques de Lalaing, ch. xliii etxuv. — Robert, abbé d'Ascuque, et James Douglas donnèrent un certiUcat constatant que les armes avaient été faites, ne voulant, ajoutent-ils, « tollir l'onneur de si vaillans et honnestes gentilshommes » (Math. d'Escouchy, toc. cit., p. 153).

charent et se pressarent de si près que de tous leurs bastons n'en demoura nuls, ne à l'ung ne à l'aultre, fors une dague que tenoit l'Escossois ; et ledit messire Jaques le tenoit par le bras, près de la main dont il tenoit ladicte dague, de si court que l'Escossois ne se povoit ayder de sa dague, et le tenoit de l'aultre main par dessoubz les aisselles, tellement qu'ilz se tournoioient l'ung l'aultre parmi la lice à force de bras, et dura longuement. Messire Symon de Lalain et le chevalier escossois furent deux puissans chevaliers et n'estoient tous deux guieres duitz de soubtiveté de jeu de hache, et, comme deux chevalliers vaillans et hardis, se queroient l'ung l'aultre et se trouvoient si souvent, qu'en peu d'heure ilz empirèrent les visières de leurs bassinetz, et leurs bastons et leurs harnois, des coups qu'ilz avoient donnez et receuz, et perdoient peu de terre l'ung sur l'aultre. De l'aultre part aborda Hervé de Meriadet, et vint l'Escossois pour atteindre ledit de Meriadet de poux de lance; mais Meriadet détourna le cop de la quehue de sa hache, tellement que la lance cheut à l'Escossois hors des mains, et le poursuyvit Meriadet si asprement, qu'avant que l'Escossois eust destroussé sa hache, il entra dedens luy, et d'une attrappe le porta par terre, et desmarcha ledit de Meriadet pour laisser relever l'Escossois, qui fut viste, ligier et de grant couraige, et se leva vistement et courut sus audit de Meriadet pour la seconde fois, et Meriadet, qui fut homme, [et] l'ung des à redoubter escuyers de son temps, de force et de legiereté, froit et adextre en armes et en luytte, receut l'Escossois froidement et de grant aguet, et tost après fit une entrée sur l'Escossois, et de celle

entrée luy donna si grand cop qu'il le porta par terre de cop de hache, et prestement se cuyda l'Escossois relever. Mais Meriadet donna de la palme et du genoul contre le derrière de l'Escossois, et de rechief le fit cheoir à bouchon contre le sablon, et nonobstant la requeste que leur requist1 messire Jaques de Lalain, ledit Meriadet, voyant la luytte des deux chevaliers, marcha pour ayder ledit messire Jaques ; mais le Roy d'Escosse gecta son baston et furent despartiz ledit Meriadet franc en sa bataille pour secourir ses compaignons à son plaisir. Et combien que ce soit contre mon ordre commencé, et que j'escriptz ceste bataille sans l'avoir personnellement veue, je l'escriptz2 à la vérité, par le rapport d'Escossois et de ceulx de nostre party, et si le puis rementevoir sans mesprendre, car je veiz charger audit messire Jaques l'emprinse dont celle belle adventure et aultres sont advenues.

Messire Jaques de Lalain et ses compaignons retournarent par Angleterre, et là pourta ledit messire Jaques son emprinse à la court, devant la personne du Roy Henry 3 et parmy le royaulme, et dont le conseil ne se contenta poinct, disant que ce n'estoit pas la coustume du royaulme que nul estrangier ou privé pourtast ou levast enseigne ou emprinse d'armes, sans premier obtenir congié et licence du Roy ou de son connestable4. Ce fut dit et remonstré audit