De Souabe, qui pouvoit
5. Ce chevalier de Souabe est peut-être Bernard de Vivant, désigné par Mathieu d'Escouchy (t. I, p. 261) comme ayant accepté le défi du seigneur de Hautbourdin. Il portait, dit-il, de sinople à un poulain d'or en bande, et avait soixante-cinq ans ou environ.
touchier l'escu de Lancelot du Lac et luy fut jour baillé pour combattre, selon le contenu des chappitres; et vint le duc de Bourgoingne et monseigneur le conte de Gharrolois, son filz, au lieu de Sainct Orner, ensemble la seignorie, et furent les lices dressées et le perron eslevé de pierre moult solempnellement, et là furent aciachez les deux escuz, l'ung de Lancelot du Lac, l'aultre de Tristan de Leonnois, et furent icelles lices dressées emmy les champs, dessus le grant chemin tirant à Galaiz. Le lieu fut noblement préparé pour le duc, comme seigneur et juge, et, environ neuf heures, le chevalier allemant, armé de toutes armes, la cotte d'armes en son doz, le bassinet en la teste, monté sur ung cheval couvert de ses armes, se présenta moult asseuremment, et puis entra dedans son pavillon, et ne demoura guieres que entra en la lice le seigneur de Haulbourdin. Il avoit devant luy six escuyers vestuz de blancz manteaulx, pourtans le bourdon en broudure devant et derrière, et servoit à deux fins, l'une pour mîstere de la Pèlerine, et se nommoient pèlerins, et communément tous pèlerins chargent le bourdon ; secondement, car c'estoit la devise de tous temps dudit seigneur de Haulbourdin. Ces six escuyers estoient desliberez de faire armes et de soubstenir et deffendre icelluy pas, se besoing faisoit, et se nommoient Jehan du Bois, Anthoine de Herin, Anthoine de Lornay, etc.
Et après iceulx venoit le seigneur de Haulbourdin, qui se faisoit nommer le chevalier de la Pèlerine. Il estoit armé de toutes armes, le bassinet en teste et la visière close, pour non estre veu ou congneu. Il portoit sa cotte d'armes des armes de Lancelot du Lac, à
la bande de Benouhic, et, au demourant, fut grandement accompaigné, et son cheval de mesmes parures, et les escuz et blasons qui furent à l'entour de son pavillon semblables; et devant la personne du duc, à sa presentacion, se fit nommer le chevalier à la Pèlerine et non aultrement. Le duc le receut et bienviengna ; le seigneur de Haulbourdin se tira en son pavillon, et tantost vindrent les gardes et furent les crys et cerimonies accoustumées , appertenans en tel cas, faictes et accomplies. Deux haches furent présentées au chevalier allemant, qui choisit, et l'aultre fut baillée à l'entrepreneur. Et saillirent les chevaliers hors de leurs pavillons, et tous deux visières baissées et closes4 . Les deux chevaliers s'assemblarent au millieu de la lice et s'entre rencontrèrent moult fièrement; et au regart de la personne du chevalier allemant, il estoit grant et bel homme d'armes, et combien qu'il fust viel, si se monstroit il prompt et de noble couraige, et queroit fièrement son compaignon, sans touteffois estre guieres duit ne aprins du jeu de la hache ; et l'entrepreneur soubstenoit et rabatoit moult froidement et asseurement, comme celluy qui autresfois avoit esté en celuy estroit passaige de combatre en champ cloz et soubs jugement, car il avoit combatu, en la ville de Sainct Orner, ung chevalier d'Espaigne nommé messire Gotiere, l'ung des plus redoubtez chevaliers de toutes les Espaignes. Finablement tant chevaleureusement se requirent les deux chevaliers, qu'en peu d'heure furent les armes accomplies, et gccta le duc le baston comme juge. Et à celluy pas ne
