Deux mots omis dans les éditions précédentes

vint aultre noble homme faire armes, dont l'entrepreneur fut moult déplaisant et ses compaignons, combien que plusieurs eussent promis de venir. Toutefïbis messire Bernard de Bearne, ung moult beau chevalier, bastard de Fois, se mist en chemin pour venir au pas dessusdit ; mais une maladie de fièvres le print, pourquoy il ne peust venir au temps que le pas estoit limité; mais le seigneur de Haulbourdin, entrepreneur, luy fît sçavoir que, quant il pourroit venir, il le recepvroit comme s'il fust venu au pas. Ce qu'il fist depuis, comme l'on verra cy après.

Et en ce temps, l'escuyer anglois, nommé Thomas l, passa la mer et vint à Bruges pour combatre messire Jaques de Lalain, comme il luy avoit promis au lieu de Sandewic, comme il2 est cy dessus escript et declairé. Ledit messire Jaques fut moult joyeulx de sa venue, et furent les lices préparées sur le viel marché de Bruges ; et, le jour qui fut baillé par le duc de Bourgoingne, juge en ceste partie, le duc et sa seigneurie vindrent sur la lice, qui moult noblement estoit préparée, et n'est pas à oublier que, sur le pavillon qui fut tendu pour ledit messire Jaques de Lalain , avoit ung cerf couchié de broudure. Celluy cerf portoit seize cort, et à chascun cort avoit une bannière dont estoit yssu ledit Lalain et dont les deux premières furent du père, qui estoit chief et seigneur de Lalain, et l'autre de Crequi3, du cousté de la mère. Ainsi monstra ledit messire Jaques trente deux bannières, dont il estoit yssu directement du père et de la mère, sans entre-