D'avoir

aucung advantaige chascun sur son compaignon. Et le duc, voyant les deux chevaliers entiers l'ung envers l'aultre, gecta le baston et les fît despartir. Et partirent de la lice tous deux à une fois, et chascun par son bout. Et ainsi furent icelles armes à pied achevées, et celles de cheval mises au lundi prochain.

Celluy jour comparurent les deux chevaliers devant le duc, leur juge en ceste partie. Et, au regard du bastard de Bearne, il avoit quatre chevaux couver tz très honnestement et richement. Et le bastard de Sainct Pol avoit, pour l'accompaigner, le seigneur de Ravestain, le seigneur de Crequi et le seigneur de Ternant, tous trois chevaliers et frères de l'ordre de la Thoison. Et furent leurs chevaulx couvertz de trois couvertes de soye et de brodure telles qu'il avoit préparées pour courre à son pas, selon que l'on toucheroit les escuz ; et fut le cheval du seigneur de Ravestain couvert d'une couverte faicte de bourdons et de coquilles, qui fut l'ancienne devise du seigneur de Haulbourdin, en signiffiant qu'il estoit serviteur de la Pèlerine. Le cheval du seigneur de Crequi estoit couvert des armes de Lancelot du Lac, à la bande de Benouhic, et celluy du seigneur de Ternant, des armes de Palamedes d . Et, au regard du seigneur de Haulbourdin, son cheval estoit couvert d'orfavrerie très richement ; et d'abondant, en lieu de la reine du cheval, y avoit une grosse chaîne d'or que l'on extimoit peser plus de mille escuz. Presentacions faictes, et crys et cerimonies acomplies, les chevaliers furent armez, et

I . Échiqueté d'argent et de sable, à deux épées de Sarrasin de gueules en travers. (Y. Mathieu d'Escouchy, chap. xxxix, t. I, p. 252.)

lances leur furent baillées. Et d'icelle première course advint que messire Bernard de Bearne assist sur le grant garde bras, en glissant ; et le seigneur de Haulbourdin, qui print sa course au coing de la lice, et vint aborder à la toille, ainsi que en croisée, assit sur le bord du clou qui tient la visière de l'armet. Et l'armet, qui n'estoit pas actaiché, mais l'avoit ledit messire Bernard seullement mis en sa teste, ainsi que communément l'on court es Espaignes, se haulsa d'icelluy cop, qui fut durement atteint, et tellement que ledit messire Bernard fut froissé et blessé en trois lieux au visaige, dont le plus fort et le plus grief estoit au menton, et de ce saignoit très fort. Touteffois le chevalier reprit le bout de la toille, et vouloit ses armes fournir, comme chevalier de grant et noble couraige qu'il estoit. MaisBertrandon, premier escuyer tranchant du duc1, lequel le duc avoit baillé audit messire Bernard pour le servir et conseiller, pour ce qu'il estoit natif Gascon, saige et expert en armes, ne luy voulut souffrir en plus faire, mais le emmena devant le duc. Et le duc, veant son cas, et qu'il n'estoit pas pourveu d'armet ou heaulme souffisant pour sa seureté, luy pria moult doulcement qu'il se voulsist à

1. Bertrandon de la Broquière, conseiller et premier écuyer tranchant du duc. — Le 26 avril 1442, le duc demande à Pévêque de Langres d'autoriser les gens des comptes à Dijon, en les relevant de leur serment, à entériner les lettres de la donation par lui faite à Bertrandon de la Broquière, son conseiller, des ville, terre et château de Vieux-Chastel, qu'il lui avait d'abord donnes sa vie durant, et dont il lui confirme le don, en faveur de son" mariage, avec 100 1. t. sur la terre de Bois-Sainte-Marie en Maçonnais, pour lui et ses hoirs, au rachat de 10,000 fr. (Archives de la Côte-d'Or, B 11942, n° 244.)

tant contenter d'icelles armes. Et le chevalier larmoyoit de desplaisir et de honte, et remonstroit qu'il estoit venu de loing pour acquerre honneur, et qu'il se trouvoit en honte et en foulle; et le bon duc luy dist que, saufve sa grâce, il estoit chevalier de renommée, et mesmes il avoit tant veu et congneu de sa chevalerie à pied et à cheval, que l'on congnoissoit bien l'honneur et la vertu de sa noble personne, et que ce cop n'estoit que un cop avenu d'adventure ; et luy pria de rechef qu'il se vouîsit contenter. Ce que fit le chevalier ; et touchèrent ensemble lesditz chevaliers, et ainsi furent icelles armes accomplies.