Targon, petite targe, petit bouclier

fust assené ; et de celle desmarche brandit sa lance, et gecta sur son compaignon qui moult vistement poursuyvoit son gect, le targon devant luy, par couverture. Et advint de celluy gect que le seigneur de Haulbourdin fut atteint sur le bort en dehors de sa targe ; et glissa le cop, et vint atteindre sur le cousté senestre, ung peu au dessus du faulx du corps, perça le harnois, et entra le fert très profond en la char dudit seigneur de Haulbourdin ; et lors du bras senestre, tost et asseurement, il escouoit la lance jus1, qui tenoit assez fort dedans le harnois. Le gect passé, les chevaliers se jecterent les targons au devant des jambes, pour chascun cuyder empescher ou nuire son compaignon, et puis se coururent sus aux haches moult asp rement. Et contendoit fort messire Bernard après le visage, qu'il veoit nud et découvert , et y rua plusieurs fois et plusieurs coups. Mais le seigneur de Haulbourdin rabatoit froidement les coups dudit messire Bernard; et ne demoura guieres que ledit seigneur de Haulbourdin entra sur messire Bernard, et de sa main senestre print la hache de son compaignon, et messire Bernard cuyda prendre celle du seigneur de Haulbourdin, mais il n'y peust advenir. Si print de la main dextre le seigneur de Haulbourdin par le bassinet, en faute de la visière ; et ledit Haulbourdin queroit après le pied du bout de sa hache, qu'il tenoit d'une main ; mais riens ne l'empire. Et en cet estât furent les deux chevaliers assez longuement, tastant et essayant en leur puissance si avoit2