Escout

camp aucungs des plus notables, pour aller au Roy en grande humilité pour soy recommander en sa bonne grâce, et sçavoir les causes pourquoy il estoit meslé avecques sa royale magesté, soy excuser par humbles voyes, et luy ramentevoir les services qu'il entendoit avoir faictz au Roy en ses josnes jours et à la utilité du royaulme, en concluant qu'il luy offroit son service. Mais il advint que les arbalestriers du Roy de Portugal approucherent du camp en grant nombre ; et commença une escarmouche par mechans gens d'ung cousté et d'aultre, et tellement que d'un traict d'arbaleste le duc de Coymbres, au millieu de ses gens, fut atteint en la poictrine, dont il mourut en celle mesme heure 1 ; et n'ay point sceu qu'ung seul homme de nom fust blessé ou atteint de celle escarmouche, fors le duc seulement.

0 princes, haults et nobles personnaiges , mirez vous ou cas du saige duc de Coymbres, filz, frère et oncle de Roy ! Ne temptez Dieu , ne son executeresse fortune ; ne vous fiez en force de chevalerie, de peuple ne d'armures, quant celle fortune a monstre la puissance de sa permission, pour avoir conduict l'impétuosité d'une saiette2 si juste et si alignée, que d'avoir accidentalement occiz ung si noble prince au millieu de sa chevalerie, et sur luy seul, entre telle compaignie, monstre sa fureur et sa cruelle vengeance. Ainsi fut le duc de Coymbres occiz ; et plusieurs se rendirent à la merci du Roy, aultrcs furent par force prins, et aultres s'enfuyrent ; et mit le Roy