Flèche

la duchié de Coymbres en sa main, ensemble tous les biens du duc trespassé. Il essila tous les enfans du duc, fîlz et filles, hors du royaulme, excepté la seule fille dont le mariaige estoit f'aict de îuy ; l'espousa le Roy, et fust une moult belle, saige et vertueuse Royne, et, se elle eust vescu, il estoit legier à juger, par la congnoissance de ses vertuz, qu'elle eust restourt4 la maison de Coymbres, et faict rappeler à grant honneur, en Portugal, et frères et seurs, et les seigneurs et nobles hommes essillez à ceste cause. Mais elle mourut soubs trente ans, et tous ses frères et sœurs en josne eage ; dont ce fut dommaige, car c'estoit ung noble sang, et une generacion bien adressée en vertuz et en chevalerie.

Or ay je devisé de la mort du duc de Coymbres et de son cas, par moy touteffois non veu. Mais à ceste cause j'ay veu venir en la maison de Bourgoingne deux fîlz et une fille, exilez et dechassez du royaulme de Portugal, dont le premier qui arriva fut l'infant domp Jaques dont dessus est faictc mencion, moult saige seigneur et dévot ; et par le pourchas de la duchesse de Bourgoingne, sa tante, fut envoyé à Romme, et fut homme d'église ; et par le consentement du Roy de Portugal fut arcevesque de Lisbonne, qui est le plus grant benefïîce du royaulme, et fut faict cardinal2, et moult eslevé, tant par sa noble naissance comme pour ses vertuz. Mais il mourut au lieu de Romme assez tost après, et en ses josnes jours, comme il est dit dessus ; et cy en après je deviseray des