Un « houscout, » dit le Livre des faits

d'assier ; et, après la recommandacion de sa bannerolle, luy bailla messire Piètre Vasque sa hache. Si marchèrent l'un contre l'aultre les champions moult asseurement, et s'entre rencontrèrent devant le juge, et de prime face se gardoient l'ung de l'aultre. Mais n'atargea guieres qu'ilz se coururent sus, et se donnoient de grans et pesans coups, chevaleureusement donnez et soubstenuz d'une part et d'aultre ; et me souvient que ledit de Lalain, qui sçavoit que les haches qu'il avoit baillées et livrées n'avoient point de dague ny de pointe dessoubs, dont il puist faire faucée ne grever sa partie, en faisant une grande desmarche tourna sa hache, et mist le mail de la dague de la part de sa main senestre, en faisant de la teste quehue, et de la quehue le maillet ; et remarcha d'un grant poux, et atteindit ledit Chandios, de la dague de sa hache, en la visière du bassinet, et donna si grant cop qu'il rompit la pointe sur la visière ; mais ledit Chandios qui estoit fort, grant, puissant et couraigeux, oncques n'en desmarcha, mais recommença entre eux la bataille plus aspre et plus fiere que paravant, et tant que si asprement se requirent l'ung l'aultre, qu'en peu d'heure les dix sept coups ' requiz par ledit de Chandios furent accompliz. Si gecta Thoison d'or le baston, et furent prins et séparez par les hommes d'armes ordonnez pour gardes et escoutes, et pour ce faire comme il est de coustume en tel cas ; et, eulx emmenez devant le juge, touchèrent ensemble, et s'en retournèrent chascun dont il estoit venu ; et furent icelles

1. D'après le Livre des faits, les jouteurs auraient échangé vingt et un coups de hache.

armes achevées par ung samedi dix huitiesme jour de septembre l'an quarante et neuf1.

Ainsy se passa septembre, octobre, novembre et décembre, et jusques au deuxiesme samedi de janvier 2, que messire Jehan de Bonniface, ung chevalier arragonnois, et celuy qui autreffois avoit combatu ledit messire Jaques à Gand, comme il est cy devant escript, arriva au pavillon, qui continua tous les samedis de l'an d'estre tendu, selon le contenu des chappitres. Ledit de Bonniface venoit du cousté de la conté de Bourgoingne ; et quant il veit le pavillon tendu, les ymaiges et le mistere du pavillon, et le herault qui gardoit la barrière à cotte d'armes vestue, il descendit de son cheval, et salua le herault, et luy pria qu'il luy voulsist declairer la signiffiance et la cause du pavillon, et du mistere qu'il avoit trouvé. Le herault, qui bien le sceut faire, luy declaira comment ung chevalier, entrepreneur en ceste partie, sans luy nommer le nom, luy faisoit garder la fontaine de Plours chascun samedi de l'an, pour fournir chascun noble homme qui vouldroit toucher à l'une des trois targes ou à plusieurs, pendans à ladicte fontaine, et luy declaira la condiction desdictes trois targes, et le plus avant de celle entreprinse qu'il le peust faire, luy ouffrant de luy bailler les chappitres par escript. Le chevalier, se monstrant moult resjouy d'avoir trouvé icelle adventure, demanda ouverture, qui luy fut accordée et faicte ; et luy mesme toucha à la blanche

1. Olivier de la Marche dit plus haut le 13 septembre ; et, en effet, en 1449 le 13 septembre tombait un samedi.

2. Le 10 janvier 1450 (n. st.). — Le 1er mars 1450, selon le Livre des faits, ch. lui.

et à la noyre targe; print le herault son nom par escrit et luy demanda son logis, lequel il luy declaira à l'Asne Royé, emprès Sainct Georges1, dedans la ville de Chalon.

Le herault, à son retour, fist son rapport à messire Jaques comment messire Jehan de Bonniface avoit les deux targes blanche et noyre touchées2. Si envoya ledit messire Jaques vers luy deux nobles hommes, qui présentèrent de par l'entrepreneur cheval et harnois, et ce que mestier luy estoit pour ses armes fournir ; et luy fut baillé jour à vendredi, vingt quatriesme d'icelluy mois, pour faire les armes à cheval, et le lendemain vingt cinquiesme celles de pied. Ce qu'il accepta, et ainsi fut jour baillé, et icelles armes emprinses.

Le vendredi vingt quatriesme du mois dessusdit3, les lices furent préparées et la toille dressée pour la course des chevaulx, comme il appertenoit ; et se présenta messire Jehan de Bonniface armé de toutes armes, comme il appertenoit. Son cheval estoit couvert de ses couleurs 4, et fist dire au roy d'armes de

1. Église de Saint-Georges, érigée en collégiale, en 1326, par Odart de Montaigu (D. Plancher, Histoire de Bourgogne, t. II, preuves, p. clxxxi).

2. Aux termes des « chappitres » ou conditions du pas, aucun chevalier ou écuyer ne pouvait toucher à plus d'une targe ou d'un écu, et ne pouvait jouter avec l'entrepreneur qu'une fois dans l'année. (Voir Livre des faits, loc. cit., p. 190.)

3. En 1450, le vendredi tombait le 23 janvier. D'après le Livre des faits, la joute eut lieu le vendredi G mars 1450.

4. Ou de ses armes : Trois paux de gueules, aune borde d'argent. (Livre des faits, ch. un et lv.) — D'après le même auteur, Jean de Boniface faisait porter trois bourdons, sur lesquels était inscrite cette devise : « Qui a belle done (dame) , la garde bien. » (Id., p. 209.)

la Thoison d'or, juge en ceste partie, comme il est dit dessus, qu'il estoit arrivé au pavillon par bonne adventure, qu'il avoit veu la figure de la dame de Plours, ensemble les trois targes pendans à la fontaine, et avoit ouy certains nobles chappitres declairans l'emprinse et voulenté d'ung noble chevalier entrepreneur de celluy noble pas, non nommé esditz chappitres, et qu'il se presentoit pour celluy jour pour fournir les vingt cinq courses de lances contenues esditz chappitres, à l'encontre dudit entrepreneur, quelqu'il fust ; et ces termes tenoit comme non saichant que ce fust messire Jaques de Lalain qu'il avoit autreffois combatu en la ville de Gand, ou pour feindre de non sçavoir que ce fust il. Sa presentacion faicte, il se retraïct au bout de la toille, et par licence courut son cheval; et, tantost après, l'entrepreneur, qui estoit parti des Carmes et avoit passé la rivière en son bateau, se présenta devant le juge, vestu d'une longue robe de velours noir, et estoit moult noblement accompaigné des seigneurs et nobles hommes de Bourgoingne, qui desjà, à l'occasion de ses vertuz, l'avoient prins en telle amour et extime, que tous le queroient, aimoient et prisoient, et mesmement Pierre de Ghandios, son compaignon, qui desjà avoit fait armes à l'encontre de luy, et messieurs ses parens et amys. Puis se retraïct en son pavillon qui fut à manière d'une petite tente de satin noir, semé de larmes bleues ; et, après qu'il fut armé, il partit hors, monté et armé comme il appertenoit; son cheval estoit couvert de velours noir, semé de larmes bleues, et furent les lances baillées à Anthoine de la Marche, mareschal de la lice, ferrées et appoinctées comme il

appertenoit. Crys furent faictz, et leur furent deux1 lances appourtées, dont messire Jehan de Bonniface print le choix. Et de la première course ne s'atteindirent point. La2 seconde, s'atteindirent tous deux. La tierce, s'atteindirent tous deux entre les quatre poinctz, et rompit ledit de Bonniface sa lance. La quarte, messire Jaques atteindit ledit de Bonniface au default du grant garde bras, fauça le harnois à jour et rompit sa lance, et ledit de Bonniface, de celle course, fit une très dure atteinte sur la baviere de l'armet dudit messire Jaques. La sixiesme , faillirent tous deux d'atteindre3. La septiesme course, ledit de Bonniface rompit sa lance sur le grant garde bras de messire Jaques, et il atteindit Bonniface entre les quatre poinctz, de plaine atteinte ; et de celle course advint que la lance dudit messire Jaques se fendit depuis le fert jusques auprès de la poignée, et ne fut aultrement rompue; dont il advint que l'on rapporta deux lances nouvelles, afin que le venant du dehors choisist. Or en print ledit de Bonniface une, et ne vouloient point ceulx qui le ser voient que l'autre fust reportée à l'entrepreneur, pour ce qu'ilz disoient que la lance dont il avoit couru n'estoit point rompue, pourtant qu'elle estoit fendue, et que, par les chappitres, chascun