Chrétiennes

icellui de precieulx et non communs estoremens portans mistere, et de quoy le jayant mon priscmnîer sera garde et administreur jusques au retour du dit noble chevalier vers moy, que Dieu domst* tost, sy vous prie, très excellent prince, et requiers en toute humilité qu'en l'avanchement de l'emprinse dudit noble chevalier vers vous comparu, et en magnificacion de son arbre d'or par la nature qui lui est baillié, il vous plaise à lui prester faveur, expedicion et adresse, telles que gloire et exaltacion de yostre très noble renommée, et à ma joye et à son preu, il puist très briefment et tost retourner vers moy, pour le plus hault de mes désirs, et dont de l'honneur que de vostre grâce vous plaira à moy y faire, j'en rendray les louenges à Dieu et à vous les remerciemens condignes à vostre noble estât, que Dieu veulle conserver et parmaintenir en félicité sempiterne. Ëscript en mon chasteau de bonne espérance, le vm® jour de janvier l'an LXVII. Ainsi subscriptes : la toute vostre très humble recommanderesse, la dame de l'ille celée. Et pareillement subscriptes : A très excellent, très victorieux et très puissant prince Charles, par la grâce de Dieu, duc de Bourgoingne et de Brabant, etc. »

Lesdictes lectres receues de mondit seigneur le duc et présentées par ledit Arbre d'Or poursievant, icelles lettres leues, mondit seigneur s'accorda à la volenté de ladicte dame de l'isle celée. Ainsi fut sur le marchié de Bruges dressé ledit arbre d'or auquel, pcMir le décorer et enrichir selon le désir de ladicte dame, furent successivement pendus les escus armcnés des armes des