Ou donist

nobles chevaliers et escuiers qui se vindrent présenter à la jouste pour furnir l'entreprinse dudit chevalier. Et emprès ledit arbre ung peron à trois piliers sur lequel durant ladicte jouste sévit ledit nayn en une très riche chaiere à tout ung orloge devant luy et ung cor- pour sonner entrée et yssue sur le champ du chevalier à l'arbre d'or ; autour du peron escript ainsi :

De ce peron nul n'en prende merveille, C'est une emprinse qui nobles cuers resveille, Pour souvenir de la tant honnorée Dame d'honneur et de Fille celée.

Au devant dudit arbre estoit lié ledit jayant, et emprès estoit ung grant hourt ouquel estoient les juges commis pour lesditz fais d'armes de par mondit seigneur, assavoir monseigneur de Mirammont comme lieutenant de monseigneur le marescal de Bourgoingne, messire Glande de Toulengeon, seigneur de la Bastie, le bailli de Caen et monseigneur de la Roche, et emprès eulx en ung aultre hourt les officiers d'armes.

Ainsi les choses ordonnées, on commença le dimence, jour desdictes nopces, m® jour de juUet, par la manière qui s'ensieult.

Monseigneur Adolf de Cleves, seigneur de Ravenstain, fut le premier venant pour jouster contre le chevalier de la dame de l'ille celée, qui est monseigneur le bastart. Et debvez sçavoir quant ung combatant venoit à la porte du parc à l'arbre d'or, le poursievant venoit parlera lui lors qu'il avoit busquié* d'un maillet d'or qui pendoit à ladicte porte, lui demandoit son nom, et puis l'aloit dire au défendeur, et de là s'en