Étoffe de laine croisée
l'espace de demie heure, qui estoit le temps ordinaire pour chascun et non plus; mais des lances qu'ilz ne aultres rompoient, je ne fay nulle mencion, affin que mon escript n'en soit à nul desplaisant, ainchois poursieurray de jour en jour sur le fait de leurs estas à venir. Et quant au fait aussy des heraulx, tamburins et trompettes qui -venoient acompagnier les jousteurs, vous debvez sçavoir une fois pour toutes que chascun qui venoit en estoit grandement accompagniés, les aulcuns pour ce qu'à eulx meismes appartenoient, les aultres pour les dons qu'ils en esperoient. Si m'en remetz en la consideracion des lisans.
Ledit temps de demie heure passée, le nayn corna, les seigneurs dessusditz coururent les planchons pour les dames comme chascun fist et ^ue les chapittres contenoient. Et, ce fait, se départit la seignourie et s'en revint à court, où le soir on fist le riche et solennel bancquet, dont devant estfaiôte mencion. Là se trouva chascun fort en point, mais je seroye trop prolixe à declairer les riches robes et habillemens d'orfavrie, de brodure, de draps de diverses sortes et grosses chainnes que chascun portoit à ces haulx estas ; si ne m'y suis point arrestez, fors seulement aux houssures et parures desdictes joustes et declaracion des bagues.
Le lundi mi® jour, monseigneur le duc, les dames et les juges vindrent sur les rens ; si vint hurter en soy présentant à la porte monseigneur de Chasteauguyon, frère au prince d'Orenge, moult gentement en point. Il avoit sept serviteurs de lances habilliés de pourpoins de damas violet et mantelines de satin vert, chascun trois tours de chaine d'or au col et plumes blanches. Son cheval estoit houssié de drap d'or bleu.
ISO MÉMOIRES d'olivier DE LA MARCHE.
et avoit aprez lui deux paiges portans pourpoins de satin noir et mantelines de satin vert comme dessus, barettes de velours noir et plumes blanches, et autour de leurs colz plusieurs tours de chainnes d'or ; l'un des chevaulx desdits paiges houssié de drap d'or cramoisi; l'autre de drap d'or violet.
À rencontre de mondit seigneur de Ghasteauguion vint monseigneur le bastart, tousjours servi desdis escuiers d'escuierie en especial, son cheval houssié de drap d'or cramoisy.
Ënsievant mondit seigneur de Ghasteauguion, vint sur le champ Gharles de Visaen, acompaigniés des capitaines et archiers de corps de mondit seigneur le duc, chascun à piet, une branche de may en la main ; et n'avoit que ung serviteur vestus de palletos d'orfavrie, et lui avoit son cheval houssié d'orfavrie blanche et dorée assise par bendes.
Gontre ledit Gharles de Visaen vint monseigneur le bastart, harnaschié d'orfavrie à campanes d'argent.
Le jousteur du lundi fut monseigneur de Tiennes , lequel servirent monseigneur de Roussy, monseigneur Jacques de Luxambourg, son oncle, messire Jehan de Luxembourg, son frère, et monseigneur le marquis de Ferare, habilliez de hoctons de velours noir et tané, et ung collier d'or de brodure devant et derrière brodé de fin or, ayans desoubz vestus pourpoins de satin cramoisy, et les chevaulx de messire Jehan de Luxembourg et de monseigneur le marquis avoient harnas de velours noir brodez à xxmi cloches d'argent pendans sur chascun; cellui de messire Jacques de Luxembourg estoit de drap d'or de velours cramoisy, et celui de monseigneur de Roussy de velours noir
MÉMOIRES d'OUYIER DE LA MARCHE. 121
broudé. Et avoit sept chevaulx moult richement houssiés, que chevauchoient quatre paiges et palefrenier habilliez de palletos de velours noir, tous chargiés d'orfavrie blanche, et gros bastons de brodured'or fin, et ung large collier de pareille brodure, capronceaulx^ en teste de satin tané et noir bordez de semence de rozettes, sa houssure de velours noir à grandes descendues de brodure de fin or, portans dessus la couppe jusques à la bordure qui estoit de bordure pareille grossement eslevée, la seconde de velours bleu semé de campanes blanches, le m® d'ermines bordé de drap d'or bleu, le rai® semée de talloces^ en brodure d'argent, le V® d'orfavrie blanche, le vi® de satin noir bordé et entersemé de bouillons d'argent, le \if de drap d'or cramoisy.
A rencontre de mondit seigneur de Tiennes vint mondit seigneur le bastart, houssié de drap d'or vert brodé d'orfavrie d'argent. Cy sont les trois jousteurs de lundi.
Lesquelz aians fait leur debvoir, mondit seigneur et chascun s'en revint à court où on fist ce jour ung bancquet de xxx plas de viande furnis de xra mes sans les entremés. Et si estoit nouveau dressoir et de nouvelle vaisselle, pendant lequel bancquet il vint en salle une grande beste, comme ung griffon, faire ung tour seulement pour resjouir la compagnie. Et si jua on audit bancquet une partie de l'enfance de Hercules, comme il est en la poetrie traictant d'icellui ; puis se fist la danse en fin dudit bancquet jusques qu'on ala couchier.
i. Chaperons de petite forme; diminutif de caperon, 2. Boucliers, écus.
Le mardi v® jour de jullet, vint à la jouste mondit seigneur, c'est assavoir en une maison sur le marchié où lui et les dames tant ce jour comme les autres regardèrent Testât ; lequel venu et lesditz juges, se vint présenter monseigneur d'Arguel, filz au prince d'Orenge, nepveu au duc de Bretaigne, lequel avoit ses serviteurs vestus de pourpoins de satin noir et hoctons de velours vert, ayant chascun son harnas de cheval chargié de campanes d'argent à façon de poire ; entre lesquelz en estoit monseigneur de Ravenstain. Il estoit houssié de drap d'argent cramoisy chargié de campanes ; son escu estoit cramoisy, blanc et vert ; s'avoit ung gros plumas sur son heaulme ; et après lui estoient trois pages vestus de robes de velours vert à deux plois de velours blanc, barettes de velours cramoisy en teste rebrussées^ de velours noir, l'un de leurs chevaulx houssié de drap d'or cramoisy, l'autre de drap d'or bleu, et le tierch de drap d'or velours violet.
Contre mondit seigneur d'Arguel vint monseigneur le bastart, houssié de damas blanc bordé de velours cramoisy à une croix Saint Ândrieu sur le dos d'orfavrie semés de larmes d'argent dorez à une fioUe d'argent qui les espandoit.
Le second de ce jour fut messire Anthoine de Halewin, qui fut servy à la jouste du visconte de Furnes, de monseigneur de Hallewin, monseigneur de Hames et monseigneur d'Estrées vestus de pourpoins de satin cramoisy, journades de velours noir et tané, à ung y devant et derrière de brodure d'or, chascun une chainne d'or en son col, lui monté sur ung cheval
