Heurté
retournoit querre le nayn et le jayant, qui venoient mectre ens ledit assaillant. Ainsi vint hurter à ladicte porte mondit seigneur de Ravenstain, laquelle fut ouverte après lesdictes solempnités.
Mondit seigneur de Ravenstain entra ou champ moult richement en une littiere portée à deux chevaulx, ladicte lictiere painte de bleu et blanc, qui sont ses couleurs, et armoyée de ses armes, couverte d'un drap d'or velours cramoisy, garnie de pluiseurs gros pommeaulx tous de fin argent. Là dedens estoit il couchiés sur deux grans coussins de drap d'or cramoisy, et estoit armé, et sur son harnas une robe de camelot de soye fourrée d'ermines, les deux chevaulx de ladicte littiere harneschiez de velours bleu garny de platines d'argent, deux paiges sus vestus comme ses aultres paiges, est assavoir depalletos de velours bleu, la moitié semée d'orfavrie blanche à ung collier d'orfavrie dorré ; et de chascun costé de ladicte littiere aloient deux gentilshommes vestus de velours bleu à tout chainnes d'or. Avec ladicte littiere estoit mené ung cheval en main pour monter ledit chevalier, houssié de drap d'or bleu velours, chargié de grosses campanes d'argent, et ung aultre housse de drap d'or velours violet, chargié de campanes d'argent à manière de poires grosses, sur lequel estoit ung paige vestu comme dessus, et ung aultre cheval portant deux panniers covvers de velours noir, chargié de campanes comme dessus, ung petit fol dessus habilliez comme les paiges. En tel estât le conduisit devant les dames, et là lisit une lectre messire Olivier de la Marche vestu d'une robe de velours bleu. Puis s'alla ledit chevalier heaulmer, et revint faire son debvoir, auquel le ser-
118 nÉMomES d'olivier de la marche.
virent de lances messire Ânthoîne et messîre Josse de Lalaîng, monseigneur de Peruwez de Haynnaut, mon* seigneur de Herchoubbez, et ledit messire Olivier, habilliez de mantelines de velours bleu, pourpoins de satin cramoisy, harnas de chevaulx de velours bleu, bordez de blanc, tous chargiez de campanes d'argent. Et le servoît aussi le bastart de Saveuse, son escuier d'escuyrie, habilliez de velours bleu.
Quant j'ay dit de monseigneur Adolf, à ce commencement je dois dire de nostre chevalier à l'arbre d'or comment il vint pour le recevoir très honnorablement, vuidant hors d'une porte dorée à ung arbre <i'or qui estoit à l'autre part du champ.
Monseigneur le bastart se fist amener ou champ en ung riche pavillqp de damas blanc et jaune, à une gouttière de drap d'or violet, bordé par bas de velours vert, et si fut lors servy de monseigneur de Cohem, monseigneur de Montravel, messire Hugues de Lannoy, seigneur de Biaumont, messire Phelippe de Cohem et messire Josse de Varsennare, ayant chascun demie houssure de velours, violet bordez de cresée^ blanche, chargié de grosses campanes d'argent, et de Jehan de Maulpas et Alardin Bornel, ses escuyers d'escuyerie, àyans harnas de chevaulx chargiez aussi de pareilles campanes d'argent. Et mondit seigneur ayant sondit cheval couvert d'une riche houssure d'orfavrie à ung arbre d'or, et portojt ung escu vert et toute la feste durant.
En tel estât assemblèrent ces deux nobfes chevaliers et jousterent très puissamment l'un contre l'autre par
