Pli ou bande

13S MÉMOIRES d'olivier DE LA MARCHE.

Et avoit ledit seigneur sept chevaulx couvers; le sien estoit houssié de damas blanc traillié de fil d'or, semé de a. e. partout en brodure , et avoit sur son heaulme ung long volet ; puis avoit quatre paiges et son palefrenier et ung varlet à piet menant ung destrier, ledit varlet vestu de velours noir à ung ploy blanc. Le premier desditz chevaulx desditz paiges houssié de velours noir, bordé de velours cramoisy, chargié de campanes d'argent; le second chargié à force d'orfavrie blance ; le tierch de satin cramoisy à une grosse branche ou estoc de brodure d'or haultement eslevée jettant ses feuUages tout avant la houssure ; l'autre estoit aussi de brodure d'or entièrement toute faicte de gaufrure quarelée comme machonnerie, entresemée de larmes d'argent et de fenestres à deux testes de dames et une d'homme, et semée de a. e. tousjours, bordée ladicte houssure d'une galerie de brodure faicte à gros piliers, en chascun parquet ung grant pot de violiers ou lectres et tout de brodure d'or, d'argent et de soye, semée aussi de larmes; l'autre encores estoit de brodure d'or hault eslevée de grandes feuUes entresemées de lettres et larmes d'argent de brodure ayant sur la çoingne* une grosse fleur d'or faicte à l'aguille, bordée de satin cramoisy, entresemée que dessus, fringié de noir. Le destrier en main houssié de drap d'or cramoisy. Et povez sçavoir que lesditz paiges et palefrenier avoient vestues mantelines de pareille estofife chascun à sa houssure, pourpoint de satin noir et barettes de velours noir decoppées dessus de drap noir et blanc.