L'angle
A rencontre de mondit seigneur de Roussy jousta pour monseigneur le bastart Charles de Yisaen, houssié de damas blanc semé d'arbres d'or, atout un bort de velours violet à arbres d'or.
Le tierch pour le jour fut Jehan de Rochefay, dit Rosquin, premier escuier d'escuierie à monseigneur le duc, servy de monseigneur d'Aussy, messire Philippe de Crevecuer, Drieu de Humieres et Simon, frère audit Rosquin, vestus de pourpoins de velours cramoisy, hoctons de velours vert semé d'orfavrie blance atout deux lettres ; l'escu dudit Rosquin et sa houssure de velours vert bordé de velours tané chargié d'orfavrie, et par dessus lettres d'orfavrie, l'une dorée et l'autre blanche, et n'avoit nulz paiges.
Ledit Charles de Visaen jousta encoires contre ledit Rosquin, houssié d'ermines à bordure de martres sables. Ainsi la jouste fina pour le jour. S'en revint on souper à court, et n'y eult ce venredi ne le semmedî point de bancquet.
Le semmedi revint monseigneur le duc sur les rens, les dames et lesdis juges; puis vindrent ou champ deux chevaliers ensamble, dont l'un estoit nommé messire Jehan de Ligne, seigneur de Rely, et l'autre messire Jacques de Harchies. Ces deux sont compagnons; si se habillèrent pareilz, est assavoir qu'ilz avoient six serviteurs pour la jouste, vestus de hoctons, le dessus de velours violet et le dessoubz de velours noir à une chiffre d'or devant et derrière, à une chainne d'or es colz chascun ; leurs houssures de velours violet bordé de velours noir chargié de campanes d'argent, les escus noirs et la chiffre d'or devant dicte.
Phelipe de Poictiers jousta pour monseigneur le bastart contre messire Jehan de Ligne, ayant hamas de cheval d'orfavrie d'argent*
Et contre messire Jacques de Harchies ledit Poitiers, houssié de satin de couUeur de fleurs de peschier, à grosses feuUes d'argent comme plumes en brodure, pendans au col du cheval, colier de campanes dorées.
Après ces deux vint ou champ messire Phelippe de Crievecuer, ayans douze compaignons à piet devant lui, vestus de paletos de tafetas blanc et vert, et pour serviteurs monseigneur d'Aussy, monseigneur de la Roche, Guillelme Bournel et Rosquin, portans pourpoins de damas tané et hoctons de drap d'or cramoisy, ayans trois paiges vestus de pourpoins de satin cramoisy , mantelines de damas blanc semées de larmes d'orfavrie dorée à ung collier d'orfavrie dorée en façon de gorgerin, barettes de velours vert et plumes vertes et blanches, l'un houssié de drap d'or vert, l'autre de drap d'or noir, le tierch de drap d'or bleu, et lui de drap d'or cramoisy; son escu de drap d'or vert.
Item y jousta contre lui ledit Poitiers, houssié de velours bleu chargié de campanes dorées et blanches.
Le quart jousteur de ce samedi fut Aiessire Jehan de Doudeville, frère à monseigneur de Scalles, lequel fut amené à toute solemnité tant des nostres comme des Anglois. Et le servoient monseigneur de Scalles, monseigneur Jacques de Luxemboui^, monseigneur de Roussy et sept Anglois vestus de satin figuré, par moitié ressamblant drap d'or et l'autre moitié de drap d'argent. Si estoit ledit seigneur houssié de drap d'or velours blanc bordé de drap d'or cramoisy. Après lui quatre paiges habilliez de pourpoins de satin noir.
MÉMOIRES d'olivier DE LA BIARGHE. \ 35
mantelines telles que lesditz serviteurs; le premier houssié de drap d'or velours moitié cramoisy, moitié bleu; le n® de drap d'or noir velours; le tierch de drap d'or cramoisy velours. Iteniy lui menoit on en main ung destrier couvert de très riche drap d'or, la selle garnie de drap d'or bleu à chamfrain de brodure d'or fin ; celui qui le menoit vestu d'une longue robe de velours noir, spn cheval houssié de velours violet semé de campanes dorées et blanches.
En tel estât fut ledit messire Jehan receu à la jouste dudit Philippe de Poitiers, houssié de martres sables bordé d'ermines.
Le cinquiesme ce jour fut monseigneur de Ternant servy de monseigneur d'Arguel, messire Mile deBourboUj messire Jehan de Bourbon, chevalier de Rodes, et Phelippe Gopin, portans palletos de satin violet; ledit seigneur houssié de drap d'or cramoisy, chargié de campanes d'argent, et dessoubz la houssure ung harnas de cheval pareil, qui demeura ou jousteur quant on osta la houssure.
Contre mondit seigneur de Ternant jousta Poitiers, ayant ung harnas de cheval d'orfavrie d'argent à rennes pendans. Ainsi fine la journée, car il estoit bien tart quand les seigneurs et dames revindrent à court et bien largement heure de souper.
Le dimence après disner, à heure acoustumée, les seigneurs et dames venus, vint soy présenter à la jouste Pierre de Bourbon, seigneur de Carency, lequel serVoit Phelippe de Bourbon , son frère , messire Anthoine et messire Josse de Lalaing, et Mile de Bourbon, vestus de palletos de satin cramoisy bajoés^ de
