Un 08 de cheval, d'après les Mémoires, t. III, p
Fiennes et messire Jehan de Luxembourg, vestus de palietos de satin bleu, a. e. m. en brodure d'or, capronceaux rebracés de velours noir, decoppez de drap violet, ayant xii chevaulx parmi le sien qu'il chevauchoit, les six houssiés et les aultres harnaschiés ; ceulx qui les chevauchoient vestus de robes toutes chargées d'orfavrie blanche, à manches de velours noir, capronceaux telz que dessus et pourpoins de velours. Les six harnas de chevaulx tous de brodure et les houssures, la sienne de satin bleu semée de serviettes d'or et de brodure de miroirs et fleurs pareilles, entrefournie d'orfavrie blanche, brodée de grans chiffres d'or et bordure pareille très large et haulte; l'un de ses paiges houssié de velours violet chargié de roses dorées boutans hors gros aneaux d'argent à trois neulx dorez , l'autre de velours noir semé de grosses pommes d'argent, à quoy on gette feu es bateaux en la mer, de nuées et campanes tout d'argent; le tierch de satin figuré gris chargié de reschauffbirs d'argent à demie dorure gectans flambe enhault, semée en la bordure de chardons d'or ; la quarte de damas jaune semée de lunes gectans rays et larmes d'argent ; le v® de velours vert semée de chardons dorez, de campanes et de feulles de chardons d'argent.
En tel estât jousta mondit seigneur le marquis contre monseigneur de Gontay, lequel ne chambga point sa houssure.
Après la retraite de monseigneur le marquis fîst on armer monseigneur Claude de Vauldré pour jouster pour l'arbre d'or contre monseigneur de Contay, et vint ledit messire Glaude sur le champ, houssié de drap d'or vert semé de campanes d'argent.
138 BIÉMOIRES d'olivier DE LA MARCHE.
Ledit jour de dimence, aprez la jouste finée, se fist ung bancquet à la court, où les seigneurs et les dames furent servis très plentineusement seulement en vais^selle sans personnages, et y fut servy tant de cuisine comme de fruiterie et espicerie de xxim mes, et pendant ledit bancquet se parjoua Tistoire d'Ercules, qui estoit commencée auparavant.
Le lundi xi® jour, nul ne jousta que monseigneur le duc, lequel, comme avoient fait les aultres chevaliers, vint ou champ à très grant estât ; car, avec l'oIBBcier d'armes qu'il avoit devant lui et de toutes sortes de menestrelz, trompettes et clarons, xn chevaliers le servirent, c'est assavoir monseigneur de Scalles, monseigneur d'Arguel, monseigneur de Ghasteau Guiaut, messire Jacques de Luxembourg, monseigneur de Tiennes , monseigneur de Roussy , messire Jehan de Luxembourg, monseigneur le marquis de Ferare, messire Bauduin }e bastart, messire Phelippe Pot, monseigneur de Ternant, monseigneur de Rochefay, dit Rosquin, lesquelz estoient vestus de pourpoins de satin cramoisy et de hoctons tous chargés d'orfavrie d'or sur champ violet; et dix paiges habilliez de mantelines pareilles, àbarettes de velours bleu et plumes blanches ; lequel mondit seigneur estoit houssié d'une houssure de menue orfavrie d'or en brodure, bordée de deniers d'or assis en branlant ; une aultre de velours cramoisy à grans fusilz d'or en brodure et le feu partout semé ; ung de velours bleu fait d'orfavrie d'or en façon de drap d'or; ung aultre de drap d'or ncnr; l'autre de drap d'or cramoisy, l'autre en brodure de petis fusizf; le destrier en main^ de velours cramoisy, plain de deniers d'or branlàns; les aultres chevaulx tous
houssiés d'orfavrie en pluiseurs façons ; ledit palefrenier habillié comme les paiges, et chascun cheval chamfrain de brodure de soye, et la houssure et plumas de la couleur.
Ainsi mondit seigneur venu sur le champ, vint contre lui monseigneur Adolf de Gleves, seigneur de Ravenstain, faisant porter sur lui ung riche pavillon paie de damas blanc et violet, duquel il vuida près de la toille, prest pour courre. Si avoit sept paiges et aultres tant chevaliers comme escuiers jusques à xx chevaulx, portans les meismes houssures ensamble qui Tune aprez l'autre avoient servy à la jouste précédente. En tel estât, saillant dudit pavillon, jousta contre mondit seigneur le duc.
Si debvez sçavoirque, ce dit jour, dès deux heures après midi, se fist apporter monseigneur le bastart qui avoit le genoul hors du lieu, en une riche littiere painte comme drap d'argent et couverte de drap d'or, sur le champ, lui vestu d'une riche robe d'orfavrie d'or.
Quant mondit seigneur le duc et monseigneur de Ravenstain eurent jousté leur temps, le nayn corna ; si jousterent pour les dames, puis se retrairent.
Et, incontinent ce fait, vint hors de la porte de l'arbre d'or ung destrier bay chargié de deux panniers de cuir plains du harnas et Tescu dessus, sur quoy et en quoy jousta monseigneur le bastart contre monseigneur d'Arguel, ledit destrier houssié de velours noir chargié d'orfavrie; lesditz panniers couvera d'un velours violet; lequel destrier, couverte» harnas et esca les officiers d'armes, le nayn et le jayant, après grasd deliberacion et pluiseurs manières observées, présentèrent sur le champ devant les dames à mondit sei-
gneur d'Arguel pour le plus avoir rompu de lanches à ladicte jouste.
Ladicte jouste faicte, mondit seigneur s'en ala desarmer entrement que on deffist la toille et despeça tout le champ. Si s'en ala chascun armer pour le tournoy, meismes mondit seigneur le duc, et habillier chascun des xxim devant nommez en la jouste de l'arbre d'or de demies houssures de violet, • aulcuns de velours, aultres de damas ou satin, tous semez d'arbres d'or, car les chapictres estoient telz qu'aprez ayant jouste ilz dévoient compagnier le chevalier entrepreneur audit tournoy. Ainsy environ l'eure de six heures et demie [vindrent] xxim nobles hommes de dehors, desquelz estoit capitainne messire Charles de Ghalon, conte de Joingny, lesquelz se rengierent sur le champ, comme pour bataille, et leur furent présentées chascun lance ressamblant à fers esmolus. Et avoient chascun espée rabatue sans pointe, lesquelles ilz présentèrent aux juges pour eschiever * violence, et puis les reprindrent. Et tantost aprez vindrent les xxim de l'arbre d'or vuydans hors de la porte dont vuydoit tousjours le champion et se rengierent pareillement que les aultres, envoierent leurs espées et prindrent leurs lances. Ainsi regardoient l'un l'autre, et monseigneur le bastart les regardoit en sa dicte littiere.
Et en tant qu'il touche de la venue de mondit seigneur le duc sur les rens pour ce tournoy, il estoit de sa personne habillié comme les aultres, mais aprez lui il avoit X paiges et ung destrier qu'on menoit en main ; lesquelz paiges, varlet de piet et palefreniers estoient ves-
i. Éviter. z
MÉMOIRES d'OUVIER DE LA MARCHE. 141
tus de robes de velours cramoisy , le desoubz brodé de fin or ; et lesditz paiges à cheval , chascun collier de grosses roses de fin or au martel pendant au derrière jusques sur le cheval, à deux fiUandres^ de feuUes de chesne d'or ; leurs chevaulx et ledit destrier en main houssiés de velours cramoisy, semé chascun de cent campanes de fin or pesans chascune ung marc, menans ung merveilleux bruit.
Lesdis XLvm nobles hommes assamblez ainsi l'un devant l'autre, la trompette de guerre sonna; lors se ferirent en l'un l'autre des lances très victorieusement, puis ferirent des espées l'un sur l'autre chascun à son povoir, une bonne espace de tous costez du champ tant que le nayn corna, et les dames faisoient signe d'un volet. Après quoy à grant paine on les fist abstenir et retraire chascun à son renc ; lors osta monseigneur le duc son habillement de teste et vint d'un renc à l'autre ; si en fist pluiseurs par couples venir l'un contre l'autre corps à corps, qui se batoient desdictes espées vilainement tant que le plaisir de mondit seigneur fut de faire retraicte. Lors deux à deux rentrèrent en la porte de l'arbre d'or, et passèrent devant les dames en ce point et ramenèrent mondit seigneur à court et mondit seigneur le bastart en littiere ; puis s'alla chascun desarmer pour venir au bancquet et aux danses.
Et en tant qu'il touche desdictes joustes et tournoy , la chose en la manière que dit est fut honnorablement conduitte en toute doulceur et en plus grant richesse qu'il ne m'est possible d'escripre qtie il ne fusse trop long. Car il ne futoncques jour que sur les rens, aux-
