Espèces de filets
Itô MéMomES d'olivier de la marche.
dictes joustes et aux bancquetz pluiseurs ne fussent habilliez de riches vestemens d'orfavrie, de brodure, de pierrie, de riches draps, de houssures, de hamas de chevaulx ung jour Tun, aultre jour Taultre, et pareillement aux bancquets et aux danses, meismes mondit seigneur le duc et monseigneur le bastart et leurs paiges chascun jour nouveau, et en ensievant les aultres princes et seigneurs. Pensez que chascun se monstroit dont je m'en passe de la déclaration, excepté du fait des armes et ce que y servoit.
Le jour dessusdit, après le toumoy , on avoit préparé à court ung bancquet qui fut bien gracieux. Premièrement on avoit dressié ung riche dressoir garny de riche vaisselle, et, sur les trois tables de la grant salle dont aultre fois j'ay fait mencion, y avoit assis XXX arbres de chire * portans de toutes manières de fruits ; autour de la racine desditz arbres la viande mise dont il y avoit xx mes de cuisine, et pour les entremets y avoit personnaiges d'hommes et de femmes entresemez qui portoient l'un en une hotte, l'autre en ung chapiau, l'autre en son geron, fruiteries et espiceries, lesditz personnaiges pains de fin or, de fin argent et azur très richement. Et devant monseigneur, à sa table, y avoit une tour sur quoy estoit ung homme tenant ung dart, et de ladicte tour comme d'une fontaine partoit eaue rose très habondamment. Et dedens l'un des chandelers' pendans à miroir dont j'ay parlé au premier bancquet y avoit ung dragon en la roche qui gettoit feu, et de ladicte roche respandoit eaue et feulles de roses sur les gens. Itenij devant
i. Cire.
lilÉMOmES d'ouvier de la marche. 143
ladicte table vint une très grande balaine gardée de deux jayans, laquelle avoit dedens son ventre deux seraines^ et xn ou xm hommes habilliez estrangement, lesquelz hommes et seraines vuiderent hors de ladicte balaine pour danser, chanter et esbatre; et desdiz hommes avoit qui se combattoient et les aultres dansoient.
En la fin dudit bancquet se commença la danse, à laquelle fut donné par les dames à messire Jehan d'Oudeville , frère à monseigneur de Scalle, le pris du tournoy. Et après firent quatre chevaliers adventureux crier une jouste à lendemain, puis s'en ala on couchier environ à trois heures.
Le lendemain, aprez messe dicte, monseigneur le duc fist en la grant salle un très riche disner, auquel seoit avec lui le légat de nostre saint père, et les prélats, princes et seigneurs aux aultres tables. Après lequel disner, qui fut plentineusement servy et longuement dura, mondit seigneur le duc donna aux officiers d'armes, trompettes et menestrelz \i^ frans en monnoye, et lors commencèrent ilz à crier larghesse^ larghesse à puissance. Et si donna mondit seigneur à Gestre, le herault anglois, une longue robe d'un riche drap d'or vert fourré d'ermines.
En l'après disner on ala à la jouste, laquelle tindrent monseigneur d'Arguel, monseigneur Jacques de Luxembourg, monseigneur de Renti et monseigneur de Lens ; mais il n'y vint guaires de jousteurs que monseigneur de Roussy et leforestier deBf uges, nommé monseigneur d'Unterche, et deux aultres. Ainsi je me
